Charter Document - 05311075
| Charter Number: | 05311075 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Lay |
| Charter Type(s): | Renewal |
| Date: | 1298 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
In nomine Domini amen Anno Incarnationis eiusdem millesimo ducentesimo nonagesimo octauo mense marco Ego Guillemeta relicta Garneri Bordelet de Grosso Bosco et nos Guiotus et Isabellis suis liberi notum facimus uniuersis presentes litteras inspecturis et audituris quod nos tenemus in feodum et tenere debemus ab Othonino de Uerceaux domicello quidquid iuris actionis et relationis possessionis proprietatis et reclamationis habemus habere possimus et debemus in uilla finagio et territoriis de Uaranges tam in terris pratis domibus mansis nemoribus furnis molendinis aquis aquarum decursibus piscaturis pasturagis hominibus tailliis corueiis censiuis costumis decimis emendis institiis et domino quum in aliquo uniuersis et singulis quibuscumque exceptis tam feodi domini Ioannis de Uaranges militis et Guillelmi des Ormes de Roure De quibus omnibus et singulis predictis feodalibus mouentibus de feodo dicti Othonini intrauimus homagium et fidelitatem dicti Othonini manibus et oris osculo prout moris est quam fidelitatem tenemur ex pacto et promittimus pro nobis et nostris per iuramenta nostra fideliter desuire pretia nos confitemus et affirmamus nos debere dicto Othonino octies uiginti libras Turronenses legalium quas mutuo legitimo recepimus et habuimus in pecunia numerata et de quibus tenemus nos pro pagatis pro quibus tradimus et deliberamus titulo pignoris obligando predicto Othonino et suis omnia et singula predicta ab eodem in feodum mouentia ita tam quod ea omnia absque acquittatione diminutione solutione uel satisfactione dicte summe pecunie teneat et fructus suos faciat donec de dicta summa sit eidem integraliter satisfactum Promittentes per iuramenta nostra predicta et sub obligatione omnium bonorum nostrorum predicta omnia dicto Othonino et suis contra omnes garantire et contrauenire Hec autem omnia supradicta ego Odo dictus Petor miles laudo et concedo et promitto pro me et meis per iuramentum non contrauenire uolumus autem nos tam debitores quam laudatores predicti compelli ad omnem obseruantiam premissorum quasi ex re adiudicata per curiam domini ducis Burgundie cuius iuridictioni quo ad hoc supponimus nos et nostros heredes In quorum testimonium litteris istis sigillum dicte curie rogauimus apponi Actum in presentia Hugonis de Cabilone notarii Diuionensis domini Ioannis de Uaranges et magistri Ioannis Bigor testium ad hoc uocatorum Anno et mense predictis