Charter Document - 05311039
| Charter Number: | 05311039 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1275 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Uniuersis Christi fidelibus ad quos presentium deuenerit notitia littererum frater Amedeus abbas totiusque conuentus ecclesie Sancti Stephani Diuionensis Lingonensis diocesi ordinis Sancti Augustini salutem in omnium Saluatore Quum in scripturis et per scripturas inueniuntur et dantur exempla nos uolentes iura conuentus ecclesie nostre dare obliuioni sed per memoriam confirmamus cum diligenti tractatu pensata utilitate ecclesie nostre pro nobis et successoribus nostris unanimiter et concorditer in pleno capitulo nostro ordinauimus statuimus et confirmauimus quod omnia anniuersaria in ecclesia nostra prouentia et prouentura pro pictantia conuentus ecclesie nostre ad prioris et conuentus ecclesie nostre arbitrii in ipsas pictantias comitantur cum omnibus exitibus eorumdem anniuersariorum Et per hoc statutum abbas ecclesie nostre qui pro tempore fuerit liber erit et immunis ab omnibus conuentu ecclesie nostre pictantiis feraturis et ad huiusmodi statutum tenendum perpetuo nos et successores nostros specialiter obligamus In quorum omnium memoriam testimonium et munimen litteris istis sigilla nostra apposuimus Actum anno Domini millesimo ducentesimo septuagesimo quinto mense decembris