Charter Document - 05310079
| Charter Number: | 05310079 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1299 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo nonagesimo nono mense februarii Ego Ioannetus filius quondam Perrini Pillier de Uilla subtus Geureyum commorans apud Longum Uicum notum facio uniuersis quod cum peterem ab abbate et conuentu Sancti Stephani Diuionensis tertiam partem bonorum excasure Roberti Cholot de Uilla subtus Geureium filii quondam Alaisete de eadem Uilla cognate mee germane ratione eiusdem Alaisete predictis abbate et conuentu asserentibus et pluribus rationibus ostendentibus quod ad successionem bonorum predicti Roberti non poteram deuenire nec tertiam partem bonorum dicte excasure non debebam obtenere cum dominium ipsorum religiosorum mutauerim et in aliud dominium metuans tulerim tandem prouida deliberatione habito consilio proborum uirorum super hoc ego sponte prouide quitto in perpetuum et remitto pro me et meis heredibus predictis religiosis et eorum successoribus quidquid habeo et habere debeo in predicta excasura quoquo modo et promitto pro me et meis heredibus per iuramentum meum et sub obligatione omnium bonorum meorum contra predicta seu aliqua de eisdem de cetero non uenire nec aliquid a dictis religiosis petere ratione excasure supradicte renuntians in hoc facto omnibus que contra tenorem presentium litterarum possent obici seu dici et uolo me compelli ad premissorum obseruantiam quasi ex re adiudicata per curiam domini ducis Burgundie cuius iuridictioni quo ad hoc suppono me et meos heredes In quorum testimonium litteris istis sigillum dicte curie rogaui apponi Actum anno et mense predictis