Charter Document - 05310078
| Charter Number: | 05310078 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1299 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo nonagesimo mense februaris Ego Simoninuus domicellus filius Iohannis de Aubigneio domicelli notum facio uniuersis presentibus et futuris quod ego sponte et prouide uendo concedo et quitto perpetuo domino Stephano priori de Thardo quidquid iuris habeo habere possum et debeo in decima des Rotures de Merliens site retro domum dicti Champion et se extendunt usque a la Biert pretio quadraginta solidorum Turronensium de quibus a dicto emptore solutionem integram habui et recepi in pecunia numerata et me teneo penitus pro pagato Et propter hoc de dicta uenditione me penitus deuestio et dictum emptorem corporaliter inuestio pro uolontate sua et suorum successorum modis omnibus et omni tempore facienda promittens per iuramentum meum pro me et meis heredibus super Sancta Dei Euangelia prestitum corporale dictam uenditionem dicto emptori et eius successoribus garantire contra omnes in iudicio et extra iudicium meis sumptibus propriis perpetuo pacifice et quiete et facere et prestare quidquid in causa euictionis debet fieri et prestari et dictum emptorem et eius successores indempnes modis omnibus conseruare si aliqui calumpniatores uel contradictores quod absit apparerent et in nullo de cetero contraire per me uel per alium tacite uel aperte me heredes meos et omnia bona mea propter hoc obligando omnibus exceptionibus iuris et facti post positis penitus et remotis Uolens me ad premissa tenenda compelli quas ex re adiudicata per curiam domini ducis Burgundie cuius iuridictioni quo ad hoc suppono me heredes meos et bona mea In quorum testimonium istis litteris sigillum dicte curie rogauimus et optinuimus apponi Actum in presentia Iohannis notarii Roure Hugoneti Perceual de Marliens et Perreneti dicti Fontenelle de Thardo clerici testium ad hoc uocatorum Anno et mense predictis