Charter Document - 05310071
| Charter Number: | 05310071 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1297 |
| Date type: | Internal, A.D., Feast |
| Resource Link(s): |
|
Charter:
Uniuersis presentes litteras inspecturis officialis Lingonensis salutem in domino Noueritis quod in presentia Ioannis Lotaringi de Diuione clerici mandati nostri iurati ad hoc specialiter deputati Ioannes dictus Melenons quondam maior de Marchia frater defuncti magistri Petri de dicta Marchia quondam decani christianitatis Diuionensis propter hoc personaliter constitutus confessus est sponatneus non coactus et firmiter asseruit per iuramentum suum corporaliter prestitum se tenere et tenere debere in feodum a uiris religiosis abbate et conuentu Sancti Stephani Diuionensis et eorum monasterio quemdam furnum cum cameris omnibus dicto furno contiguis domo dicti furni domo dicto furno contiguo cellario subtus sito camino retro dictum furnum camera contigua sex adherente dicto camino mansis et pertinentiis omnibus pro ut se ingerunt de longo a parte domus et mansi Ioannis dicti Biguot clerici a parte anteriori porte dicti magistri Ioannis de longo usque ad portem de stabulis dicti Ioannis que omnia sita sunt in castro Diuionensis inter cameras capelle ducis et uiam publicam que tendit a domo dicti Ioannis Biguot usque ad domum que fuit domini Ioannis de Rouura quondam canonici dicte capelle et domum et mansum dicti Ioannis Biguot promittens Ioannes Melenons prefatus pro se et suis quos ad hoc obligauit expresse per iuramentum suum predictum et per stipulationem legitimam et solemnem contra premissa uel aliquod de premissis de cetero per se uel per alium non uenire tacite uel expresse uoluit insuper Ioannes Melenons antedictus compelli ad premissorum obseruantiam per nos uel per officialem Lingonensem qui pro tempore fuerit per censuram ecclesiasticam tanquam ex re adiudicata per curiam Lingonensem cuius iuridictioni quo ad hoc suposuit se et heredes suos et omnia bona sua In quorum testimonium sigillum curie Lingonensis presentibus litteris duximus apponendum Actum die martis post festum Beati Andree apostoli anno Domini millesimo ducentesimo nonagesimo septimo