Charter Document - 05310068
| Charter Number: | 05310068 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1297 - 1298 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo nonagesimo septimo mense ianuari Ego Lucieta uxor Hugonis dicti Tortenoe de Ianleio notum facio uniuersis presentibus et futuris quod ego spontanea non coacta nec decepta laude et assensu dicti Hugonis mariti mei et Hugonis fratris mei uendo concedo et quitto perpetuo Othonino dicto de Uerceyo domicello unam secturam prati et medietatem unius secture prati siti in preria de Ianleio iuxta pratum Ioannis de Tortenoe hinc et iuxta ripariam inde precio sex librarum et duorum solidorum Uiennensium de quibus a dicto emptore solutionem integram habuimus et recepimus in pecunia bene et legitime numerata Et me teneo penitus pro pagata et propter hoc de dicta uenditione me penitus deuestio et dictum emptorem corporaliter inuestio pro uoluntate sua et suorum heredum modis omnibus et omni tempore facienda Promittens per iuramentum meum pro me et meis heredibus super Sancta Dei Euangelia prestitum corporale dictam uenditionem dicto emptori et eius heredibus garantire contra omnes in iudicio et extra iudicium meis sumptibus propriis perpetuo pacifice et facere et prestare quidquid in causa euictionis debet fieri et prestari et dictum emptorem et eius heredes indempnes modis omnibus conseruare si aliqui calumpniatores quod absit apparerent et in nullo de cetero contraire per me uel per alium tacite uel aperte me heredes meos et omnia bona mea perpetuiter obligando Et nos Hugo maritus dicte uenditoris et Hugo eiusdem uenditoris frater dictam uenditionem uoluimus concedimus et laudauimus et confitemur eam de nostris uoluntatibus esse factam et promittimus per iuramenta nostra contra dictam uenditionem de cetero inuenire nos uenditores et laudatores uoluimus nos ad premissa tenenda compelli quasi ex re adiudicata per curiam domini ducis Burgundie cuius iuridictioni quo ad hoc supponimus nos heredes nostros et bona nostra In quorum testimonium istis litteris sigillum dicte curie rogauimus et optinuimus apponi Actum in presentia Stephani de Auxona notarii Vitti filii Perroti de Iatileta Perroneti Lamiraudet de Cucheio et Perroneti dicti Fonteneles clerici testium ad hoc uocatorum Anno et mense predictis