Charter Document - 05310065
| Charter Number: | 05310065 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1297 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo nonagesimo septimo mense decembri Ego Iohannetus de Ienlleio quondam filius Lambeleti dicti Deuoisson notum facio omnibus presentes litteras inspecturis quod ego sponte et prouide uendo concedo et quitto perpetuo Iohanni de Thardo dicto Uillemino pro se et suis tertiam partem pro indiuiso unius molendini cum fundo et pertinentiis ipsius molendini super agrum quo dicitur Boische desuper nemus domini de Thardo Castro loco ubi dicitur ante lou Mont et Lespenouse et uocatum molendinum de Tortenoe precio triginta librarum Uiennensium de qua pecunia a dicto emptore me teneo penitus pro pagato Quare de predicta uenditione me et meos penitus deuestio dictum emptorem et suos corporaliter inuestio et in possessionem pacificam induco Teneorque et promitto per sacramentum meum super Sancta Dei Euangelia prestitum corporale et sub obligatione omnium bonorum meorum mobilium et immobilium ubique existentium predictam uenditionem predicto emptori et eius heredibus pro me et meis quos ad hoc obligando contra omnes calumpniatores meis sumptibus propriis perpetuo garantire et facere et prestare quidquid in causa euictionis debet fieri et prestari et in nullo de cetero contraire non contrauenienti consentire per me nec per alium tacite uel expresse renuntiantio que in hoc facto omni auxilio iuris et facti iurique dicenti generalem renuntiationem non ualere uolo que me ad premissa tenenda compelli quasi ex re adiudicata per curiam domini ducis Burgundie cuius iuridictioni quo ad hoc suppono me et heredes meos et bona mea In quorum testimonium istis litteris sigillum dicte curie rogauimus et optinuimus apponi Actum in presentia Petri de Eschene clerici predicte curie notarii apud Sanctum Iohannem iuxta Laudonam Laurentii quondam filii Clementis de Roura candelarii et Iohannini dicti Pillot testium ad hoc specialiter uocatorum Anno et mense predictis