Charter Document - 05310061
| Charter Number: | 05310061 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1297 |
| Date type: | Internal, A.D., Feast |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo nonagesimo septimo die festi Beati Bartholemei apostoli Ego Laurentius de Sancto Stephano de Diuione clericus notum facio omnibus presentes litteras inspecturis quod considerata utilitate anime mee ac etiam consideratis beneficiis ab ecclesia Sancti Stephani predicti michi factis in remunerationem dictorum beneficiorum ac etiam pro anniuersario meo in ecclesia predicta annuatim de cetero faciendo ego dono concedo pro me et meis conuentui dicti loci decem solidos Uiennenses annuatim et de annuo redditu dicto conuentui persoluendos Uolens et concedens quod quicumque quamdam meam petiam uinee sitam in loco qui dicitur Montmusard iuxta uineam hospitalis Ierusolimitarii et uineam Michaelis Olearii tenebit et possidebit reddat et persoluat et reddere et soluere dicto conuentui decem dictos solidos teneatur alioquin dictus conuentus uel eius mandatum ad dictam uineam et eius fructus possit recurrere percipere et leuare sua propria auctoritate prosoluere dictorum decem solidorum sibi facienda hoc tamen heredibus nostris saluo quod omnes alie littere super aliquibus donationibus confecte et a me concesse abbati seu priori et conuentui dicti loci aut eorum predecessoribus temporibus retroactis et ex nunc imposterum nullius sine momenti uel ualoris Uolo etiam me et heredes meos compelli ad omnium obseruantiam premissorum quasi ex re adiudicata per curiam domini ducis Burgundie cuius iuridictioni quo ad hoc suppono me et meos heredes In quorum predictorum testimonium litteris istis sigillum dicte curie rogaui apponi Actum in presentia Hugonis de Cabilone notarii Diuionensis domini Iohannis Teste et Andree de Campo Uento testium ad hoc uocatorum Anno et mense predictis