Charter Document - 05310058

Charter Document - 05310058


Charter Number: 05310058
Cartulary Title: Chartes de l'Abbaye de Saint-Etienne de Dijon. 11, de 1291 à 1300.
Charter Language: Latin
Charter Origin: Lay
Charter Type(s): Sale
Date: 1296 - 1297
Date type: Internal, A.D., Feast
Resource Link(s):

Charter:

In nomine Domini amen Anno Incarnationis eiusdem millesimo ducentesimo nonagesimo sexto mense martio ante Pascha Nos Hugonetus dictus de Tortenoe Lucieta uxor et Alaisona filia quadam Lambeleti dicti De Boisson de Ianleio notum facimus uniuersis presentibus et futuris quod nos sponte et prouide uendimus concedimus et quittamus in hereditatem perpetuam Iohanni Uillemi de Thardo Castro carpentario duas partes uni molendini cum manso pertinentiis et appendiciis ipsius molendini quod molendinum uocatum de Tortenoe et est situm in Osthara desuper nemus de Thardo Castro iuxta Lespenouse et iuxta pratum mei dicti Hugoneti libere ab omni onere seruitutis precio uidelicet quadraginta et quinque librarum Uiennensium de quibus a dicto emptore solutionem habuimus integram et perfectam in pecunia bene et legitime numerata et nos tenemus pro pagatis penitus et contentis propter hoc de dicta uenditione nos penitus deuestimus et dictum emptorem corporaliter inuestimus pro uolontate sua et suorum heredum modis omnibus et omni tempore facienda Promittentes per stipulationem legitimam et sollempnem et per iuramenta nostra corporaliter data super Sancta Dei Euangelia pro nobis et nostris heredibus dictam uenditionem dicto emptori et eius heredibus contra omnes personas garantire in iudicio et extra nostris sumptibus propriis perpetuo pacifice et quiete et facere et prestare quidquid in causa euictionis debet fieri et prestari et dictum emptorem et eius heredes indempnes modis omnibus conseruare si aliqui calumpniatores quod absit apparerent et in nullo de cetero garantire per nos uel per alios tacite uel aperte nos heredes nostros et omnia bona nostra ubicumque fuerint obligando renunciamusque in hoc facto omnibus exceptionibus doli mali lesionis deceptionis omni iuri in fauorem mulierum introducto omni auxilio et beneficio totius iuris canonici ciuilis et consuetudinarii et iuri dicenti generalem renuntiationem non ualere uolumusque nos ad premissa tenenda compelli quasi ex re adiudicata per curiam domini ducis Burgundie cuius iuridictioni quo ad hoc supponimus nos heredes nostros et bona nostra In quorum testimonium istis litteris sigillum dicte curie rogauimus et optinuimus apponi Actum in presentia Iohannis notarii Rouure Iohannis dicti de Tortene Alerdeti Sannerii de Auxona et Renaudi dicti Thar de Auxona testium ad hoc uocatorum Anno et mense predictis