Charter Document - 05310057

In nomine Domini amen Anno Incarnationis eiusdem millesimo ducentesimo nonagesimo sexto mense martis Ego Stephanus de Uilla subtus Geureyum frater quondam Iohannis Morelli maioris quondam dicte uille notum facio uniuersis presentes litteras inspecturis quod ego sponte prouide considerata utilitate mea modo euidenti uendidi concessi in perpetuum atque quittaui pro me et meis heredibus domino Petro curato de Sancta Margareta et Huoto fratri suo liberis meis a me partitis et diuisis propriis et eorum heredibus quamdam domum lapideam cum fundo et pertinentem eiusdem sitam in Uilla subtus Geureyum iuxta mansum filie dicti Chaudenal et mansum Stephani Brecior item quamdam petiam uinee sitam iuxta uineam Girardi Uolant et uineam dicte la Donte item medietatem cuiusdam grangie lapidee qua partitur cum Roberto nepoti meo sitam iuxta mansum predicti domini Petri item quamdam petiam uine iuxta uineam Roberti predicti et uineam predicti domini Petri in Salicio a diatena dicte uine item decem petias terre quarum una sita est en la Pree iuxta terram Roberti predicti et terram Guillelmi fratris dicti Roberti alia en la Tornee subtus Preandein et partitur cum liberis Morelli de Tele et continet duo iornalia alia en Pre Perron iuxta terram dicti domini Petri et terram Girardi Talant alia en Forchies iuxta terram Iohannis Uison et terram Stephani de Chambole alia en la Ionchère iuxta terram predicti domini Petri et terram Stephani de Chambole alia es Marz iuxta terram Templariorum et terram Iohannis maioris alia en Plain Bois iuxta terram Hugonis Mugnerii et terram Iehenne la Lotue alia in campo iuxta terram Roberti de Sathenay clerici et terram dicti Girardeal de Geureyo alia ante domum templi uille subtus Geureyum iuxta terram Templariorum et terram Perelli domicelli alia iuxta terram Templariorum et terram dicti la Langue item sex petias prati quarum una sita est en Pretroiches et partitur cum Roberto predicto alia en Chaisne iuxta pratum Templariorum et pratum predicti domini Petri alia es Lones iuxta pratum Templariorum et iuxta pasquerum alia es Chantres et partitur cum Monieto alia in prato de Chambole et partitur cum Iohanne maiore alia en Preandein iuxta pratum Odeti Perroni et pratum Iehenne la Lotue et alia en Pretroiches et partitur cum Roberto nepoti meo item dimidium quartallum bladi per medium reddituale situm super quamdam petiam terre quam tenet Henriot li Iuges et est sita in loco ubi dicitur en Molin item tertias duorum iornalium terre site es Marz quam tenent Templarii Quarum quamdem uenditionem feci precio uidelicet ducentarum uiginti et duodecim libras Uiennenses de quibus solutionem integram recepi a dictis emptoribus in pecunie legitime numerata et me teneo de eisdem plenarium pro pagato penitus et contento Quare de predictis omnibus superius uenditis deuestio me et heredes meos et dictos emptores et eorum heredes inuestio corporaliter de eisdem Et teneor ex pacto et promitto pro me et meis heredibus per iuramentum meum prestitum super Sancta Dei Euangelia corporale et sub obligatione omnium bonorum meorum presentium et futurorum predicta omnia superius uendita prefatis emptoribus et eorum heredibus contra omnes perpetuo et firmiter garantire defendere et in pace tenere meis propriis sumptibus et expensis et me pro ipsis semper et ubique locorum contra presentibus omnes apponere propter hoc respondere et in me pro eis litis onus suscipere tantito et quotienscumque super hec fuero requisitus et facere et prestare quidquid in causa euictionis fieri debet et prestari et in nullo contraire de cetero per me uel per alium tacite uel expresse Renuntians insuper in hoc facto exceptionibus doli et in factum non numerate et non habite pecunie spei future numerationis et habitionis deceptionis in aliquo omni consuetudini et statuto beneficio in integrum restitutionis deceptionis ultra dimidiam iusti pretii iurique dicenti generalem renuntiationem non ualere et omnibus aliis exceptionibus rationibus et allegationibus totius iuri et facti que contra tenorem presentium litterarum possent obici sex dici uolens me compelli ad premissorum omnem obseruantiam quasi ex re adiudicata per curiam domini ducis Burgundie cuius iuridictioni quo ad hoc suppono me et heredes meos In quorum testimonium litteris istis sigillum dicte curie rogauimus apponi Actum in presentia Hugonis de Cabilone notarii Diuionensis Iohannis de Bordis et Petri de Chargeyo clerici testium ad hoc uocatorum Anno et mense predictis