Charter Document - 05310055

Ie Iean sires de Saluns faicts scavoir à tous ces qui verront et ourront ces presentes lettres que cum Isabeaume de Moisse filia file cay en arrieres monseigneur Iean dit Pillot de Dole chevalier et Odot de Blace mary a la devant dicte Isabelle aient vendu et quitte a tous iorz mes a religioux homme al abbe et au couvent de Sainct Estienne de Diion du diocèse de Langres et bois et le fief de ce bois liquez bois siet au finage de Uille soz Geuvier au lieu ou lendit en Baalanges Liquez bois est et meue de mon fief et ledict bois ils ont vendu pour trente livres de vienois Ie volens faire grace special sus ce es dicts acheteurs ladite vendue lo veuil et octroiois et reconnois ladicte vendue estre faicte de ma volonté et quitte esdicts acheteurs ledict fie et quelconque daution de devraison Ie ay avoir puis audict bois et au fonds de celuy bois par raison doudict fief et promets soubs l'obligation de tous mes biens et en bonne foy que ie niray encontre ladicte quittance ne encontre la tenour de ces presentes lettres pour moy ne autres taisiblement ou en appert ie ne reclameray aucune chose de droict audict bois pour raison de fief doicy en avant et pour ce que ceste chose soit ferme et estauble ie lai voulut que cete lettre soit sellée de mon seel ce faict lan de nostre seignour mil deux cent quatrevingt et seize au mois de février