Charter Document - 05310051
| Charter Number: | 05310051 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1296 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo nonagesimo sexto mense iunio Nos Robertus de Aqueductu clericus Aymo presbiter et Ioannes eiusdem Roberti liberi notum facimus uniuersis presentes litteras inspecturis quod nos sine ui metu dolo et aliqua circonuentione ymo sponte prouide uendimus concedimus et tradimus et in perpetuam hereditatem quittamus pro nobis et nostris heredibus religiosis uiris domino abbati et conuentui Sancti Stephani Diuionensis et eorum successoribus quamdam petiam uinee sitam in finagio de Aqueductu cum fundo et pertinentiis eiusdem uinee que petia uinee sita est iuxta uineam Hugonis Thibaut in loco ubi dicitur en Combehuron quam uenditionem fecimus pretio centum et septem librarum Uiennensium de quibus solutionem integram recepimus et habuimus a predictis religiosis in pecunia bene et legitime numerata de quibus tenemus nos plenarie pro pagatis penitus et contentis quare de predicta petia uinee superius uendita deuestimus nos et heredes nostros et dictos emptores pro se et suis successoribus corporaliter inuestimus de eadem quare tenemur ex pacto et promittimus pro nobis et nostris heredibus quilibet insolidum per iuramenta nostra super Sancta Dei Euangelia corporaliter prestita et sub obligatione omnium bonorum nostrorum presentium et futurorum quorumcumque sint et ubicumque predictam petiam uinee superius uenditam predictis religiosis et eorum successoribus contra omnes perpetuo et firmiter garantire defendere contra personas omnes opponere propter hoc et respondere et in nos litis onus suscipere quam sito ab ipsis religiosis super hoc fuerimus requisiti uel mandato eorumdem si qui calumpniatores quod absit super hoc apparerent et facere et prestare quidquid in causa euictionis debet fieri et prestari renuntiantes in hoc facto quilibet insolidum per nostra predicta iuramenta exceptioni uenditionis non legitime facte dicte pecunie non habite et non numerate spei future numerationis et habitionis omni fraudi et dolo deceptionis in aliquo et omnibus aliis exceptionibus que contra tenorem presentium litterarum possem obiici seu dici et uolumus nos compelli ad premissorum obseruantiam quasi ex re adiudicata per curiam domini ducis Burgundie eiusdem iuridictioni quo ad hoc nos et nostros heredes penitus supponentes In quorum testimonium litteris istis sigillum dicte curie rogauimus apponi actum in presentia Hugonis de Cabilone notarii Diuionis domini Ioannis Teste presbiteri et Ioannis Mongeron testium ad hoc uocatorum anno et mense predictis