Charter Document - 05310048

Au nom de Nostre Seignor amen En lan de l'Incarnation diceluy mil deux cent quatre vingt et quinze au mois d'aoust le iour de la Saint Pierre ie Colonus de Trichatel li Arbelestier et ie Ieannotte femme du dit Colonus faisons ascavoir à tous ces qui verront et oiront ces presentes lettres que nous avons baillé quitté et délivré en eschange faict pour nos et pour nos hoirs au maistre et es frères de la Maison Dei de Trichastel une pièce de terre arable que nostre estoit assize en la fin de Tilchatel selon la terre Iaco Chauuot d'une part et selon la terre de la dite Maison Dei d'autre part et ledicts maistres et li frères de la dite Maison Dieu nous en ont baillé et délivré en eschange une pièce de terre qui leur estoit assise en la fin de lu en Lalue que l'on dict Aubois emprès nostre terre d'une part et d'autre part lour lou champs que li chambellan a donné au fils Vernot de la Charme laquelle pièce de terre nous avons eu pour loudict eschange et passe et garnie et nostre deconseaul liquex pièce de terre doit la tierce des la meid borne quant au chief du champs au fils dudit Vernot en amont et dez ce le borne en avault doit estre franche et ascavoir que de tote la pièce dessus dite qui nostre estoit nous nous sommes deuestus pour nous et pour nos hoirs et en avons uestu li maistre et les frères devant dicts pour lor et lours successeurs sans jamais rapeler et avons promis pour nos sermens donnés corporellement sus saintes Evangiles et soubs l'obligation de nous et de nos hoirs et de tous nos biens et immeubles présents advenir en quelque leu qu'ils savient sans ne trouve tenir garder et garantir ces dits eschanges et toutes ces convenances contre totes gens et que nos ne nos hoirs en varrons en contre venir comment que con soit et renoncons en ce faict pour nos et nos hoirs par nostre serment dessus dit à toute aide de droit de canon et de loi de coustume et de faict et a tous que nous ou nostre puisse réclamer pour deceu en ce dit eschange et ie Ieannotte quitte quelque droict que je hoye en ladicte pièce de terre soit de douaire ou dessaunage de mariage ou dautre donation quelque cou soit et voulons estre contraint nous et nostre hoir à cou faire tenir et garder si que il a dessus dict par la cour de monseigneur Guion seigneur de Trichatel comme de chose cogneue et adiugée par sa dicte cour à la iuridiction de laquelle court quant a cou nous soubmettons nous nos hoirs et tous nos biens en tesmoignage de laquelle chose ie Colenot et ie Ieannotte femme dudict Colenot devant dict avons requis et désiré à estre mis à ces présentes lettres le seal de la dicte court cou fut faicte en la présence de Vernot de la Charme tesmoings à ce appelés en lan en mois et en iour devant dict