Charter Document - 05310046
| Charter Number: | 05310046 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Lay |
| Charter Type(s): | Quittance |
| Date: | 1295 |
| Date type: | Internal, A.D., Feast |
| Resource Link(s): |
|
Charter:
Uniuersis presentes litteras inspecturis Ego Hugonninus de Uienne dominus de Franceyo notum facio quod ego de omnibus actionibus controuersiis et querelis quas habere poteram et habebam uel habere poteram et debebam contra uirum religiosum et honestum fratrem Poynaum sacristam Sancti Stephani Diuionensis tam ratione equi quam pecunie a me uel meo mandato tradite dicto sacriste uel ipsius mandato et tempore retroacto usque ad tempus confectionis presentium litterarum quitto penitus et expresse et quod ratione admodiationis patronatus de Franceyo debeo dicto sacriste quadraginta solidos Uiennenses quam summam pecunie ego bona fide promitto soluere et reddere dicto sacriste uel suo mandato infra medium augustum proximo uenturum Confiteorque et recognosco me debere tenere nullatenus dictum patronatum de Franceio ultra nec aliquo redditusque ad abbatiam predicti Sancti Stephani in uilla nec pertinentiis de Franceio ultra uigiliam Assumptionis beate Marie proximo uenturam nisi de abbatis uel conuentus predicti Sancti Stephani uel eorum mandati fuerit uoluntate In predictorum testimonium sigillum prepositi de Sancto Iohanne presentibus litteris rogauimus et obtinuimus apponi Actum anno Domini millesimo ducentesimo nonagesimo quinto die ueneris post Ascensionem Domini in presentia domini Iohannis de Sancto Heustebo presbiteri dicti de Borda Odonis de Sancto Heustebo Iohannis dicti Gras Huyl Hugoneti de Sancto Iohanne Barbari et Belini Gullet de Sancto Iohanno clerici testium ad hoc specialiter uocatorum