Charter Document - 05310037
| Charter Number: | 05310037 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1294 |
| Date type: | Internal, A.D. |
| Resource Link(s): |
|
Charter:
Uniuersis presentes litteras inspecturis Ego Guillelmus Manfredi de Diuione clericus autoritate apostolica publicus notarius filius quondam Manfredi scriptoris notum facio quod cum religiosi abbas et conuentus Sancti Stephani Diuionensis dicto patri meo dum uiuebat et mihi Guillelmo predicto et Iacobo et Eustachio liberisque predicti Manfredi ad uitas nostras et ad uitam superuiuentis ex nobis dederunt et concesserunt domos cum earum fundis mansis cellariis et appenditiis sitas ante ecclesiam Sancti Medardi Diuionensis inter stratam et uiuidarium religiosorum predictorum uolensque interdictos religiosos heredesque meos aliqua dissensio in futurum propter longitudinem temporis oriatur uolo et concedo quod in continenti post meum decessum dicte domus cum earum fundis cellario mansis et appenditiis absque onere debati ad dictos religiosos et eorum successores pacifice reuertantur et quod in heredes mei aliquid iuris proprietatis possessionis aut saisine non possim nec debeam reclamare et si quod absit reclamarem uel euigerem uolo et concedo quod sibi fides et audientia totaliter denegentur quas domos quandiu uixero teneor tenere bono statu nisi eas ignis incendio aut alio casu fortuito contingeret deuastari in quorum omnium testimonium litteris presentibus sigillum curie domini ducis Burgundie rogaui et obtinui apponi actum in presentia Hugonis de Cabilone notarii Diuionensis Certhieti de Curgo et Ioannis Manfredi testium ad hoc uocatorum anno Domini millesimo ducentesimo nonagesimo quarto mense nouembri