Charter Document - 05310035
| Charter Number: | 05310035 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1294 |
| Date type: | Internal, A.D. |
| Resource Link(s): |
|
Charter:
Uniuersis presentes litteras inspecturis Nos frater Hugo permissione diuina abbas monasterii Sancti Stephani Diuionensis ordinis Sancti Augustini Lingonensis diocesis notum facimus quod donationem quam uir religiosus frater Hugo prior noster de Mirabello fecit conuentui nostro monasterii nostri supradicti de quadraginta solidis monete Uiennensis annui et perpetui redditus pro suo anniuersario in ecclesia nostra Singulis annis post ipsius obitum celebrando quos assignauit et assedit idem prior eidem conuentui reddendis et soluendis perpetuo die anniuersarii memorati super quamdam petiam uinee continentem circiter iornale et dimidium sitam in finagio de Aqueductu ubi dicitur es Foleires iuxta uineam liberorum Garnerii dicti Barbiz ex una parte et iuxta uineam Perelli dicti Grillot ex altera quum quidem uineam dictus prior a defuncto Girardo dicto Rocbarret de Diuione titulo emptionis acquisiuit nos ipsam de uoluntate et auctoritate nostra recte factam pro nobis et successibus nostris uolumus et consentimus et aprobamus et in nullo decetero contraire promittimus bona fide In quorum testimonium sigillum nostris presentibus litteris duximus apponendum actum anno Domini millesimo ducentesimo nonagesimo quarto mense septembri