Charter Document - 05310030
| Charter Number: | 05310030 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1293 - 1294 |
| Date type: | Internal, A.D. |
| Resource Link(s): |
|
Charter:
Nos frater Hugo abbas monasterii Sancti Stephani Diuionensis totusque eiusdem loci conuentus notum facimus omnibus presentes litteras inspecturis quod nos conuentus uolumus et unanimiter consentimus quod reuerendus pater ac dominus frater Hugo abbas noster predictus nouies uiginti libras Turonnensis monete quas nos conuentus predictus de nostris pictantiis reseruaueramus ad usus pictantie percipiat et habeat in usus utiles et necessarios monasterii nostri predicti penitus conuertendas item quod percipiat et habeat quatuor libras Diuionensis monete quas percipere consueuimus super domum sitam ante portam abbatie nostre quam nunc inhabitat Iohannes Lahoringus clericus et nos conuentus predictus percipiamus et habeamus exitus redditus et prouentus quos percipere consueuit idem dictus abbas et predecessores sui in ecclesia de Gemellis et capella de Pichangiis ratione iuris patronatus in usus pidancie conuertendos quousque tantumdem alibi nobis assessum fuerit et etiam assignatum saluis et retentis nobis abbati predicto nostrisque successoribus decimis finagiorum de Gemellis et de Pichangis et presentatione ad ecclesiam de Gemellis quotiens uacare contigerit ecclesiam supradictam Nos uero abbas predictus dictam summam pecunie confitemus nos recepisse et conuentu predicto promittentes bona fide laudem conuertere in usus utiles et necessarios nostri monasterii prolibati Hanc autem ordinationem bonorum nostrorum promittimus inuicem nos abbas et conuentus predicti pro nobis et successoribus nostris in perpetuum seruaturos In cuius rei testimonium sigilla nostra presentibus litteris duximus apponenda actum in capitulo nostro anno Domini millesimo ducentesimo nonagesimo tertio mense aprili