Charter Document - 05310024
| Charter Number: | 05310024 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1293 - 1294 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo nonagesimo tertio mense Ianuari Ego Iohannes dictus Gama de Auxona clericus notum facio uniuersis presentibus et futuris quod ego sponte et prouide uendo concedo et quito perpetuo Iohanni dicto chestolani de Thardo Uilla medietatem tertium secturarum prati siti in preria de Merangiis in loco ubi dicitur en la Roture subtus molendinum de Ioncheres inter pastuam et pratum heredum Perroneti dicti Achestolani et pratum Stephanete filie Lyecclini loci Rasthet de Sancto Sequano quam uenditionem confiteor et defendo emptoris supradicti Et hanc uenditionem facio precio sexaginta solidorum Uiennensium de quibus a dicto emptore solutionem integram habui et recepi in pecunia legitime numerata et me teneo penitus pro pagato Et propter hoc de dicta uenditione me penitus deuestiens dictum emptorem corporaliter inuestio pro uolontate sua et suorum heredum modis omnibus et omni tempore facienda Promittens per iuramentum meum super sancta Dei euangelia datum dictam uenditionem dicto emptori et eius heredibus garantire contra omnes in iudicio et intra iudicium meis sumptibus propriis perpetuo pacifice et quiete et facere et prestare quidquid in causa euictionis debet fieri et prestari et dictum emptorem et eius heredes indempnes modis omnibus conseruare si aliqui calumpniatores quod absit apparent et in nullo de cetero contraire per me uel per alium tacite uel aperte me heredes meos et omnia bona mea propter hoc obligando Uolens me ad premissa tenenda compelli quasi ex re adiudicata per curiam domini ducis Burgundie cuius iuridictioni quo ad hoc suppono me heredes meos et bona mea In quorum testimonium istis litteris sigillum dicte curie rogauimus et obtinuimus apponi Actum in presentia Iacobi de Lenthena dicte curie notarii apud Rourum Perroneti Fison de Auxona et Helie Bruant de Roure testium ad hoc uocatorum Anno et mense predictis