Charter Document - 05310021
| Charter Number: | 05310021 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1293 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo nonagesimo tertio mense octobris Ego Belinus dictus Perise de Postange notum facio uniuersis presentibus et futuris quod ego sponte et prouide laude et assensu Gaulteri filii mei uendo concedo et quitto in hereditatem perpetuam Iohanni dicto Brocquart et Marcello de Postange fratribus unam peciam terre site in finagio de Postange in loco ubi dicitur Ultra Aquam iuxta terram Uieneti Reneal ex una parte et iuxta terram Stephani dicti Blanchot ex altera liberam ab omni onere seruitutis pro tertiis et decima precio septem librarum et quinque solidorum Uiennensium de quibus a dictis emptoribus solutionem habui et recepi integram et perfectam in pecunia bene et legitime numerata et me teneo penitus pro pagato et propter hoc de dicta uenditione me penitus deuestio et dictos emptores corporaliter inuestio pro uolontate sua et suorum heredum modis omnibus omnibus et omni ipsi facienda Promittens per iuramentum meum super Sancta Dei Euangelia prestitum corporale dictam uenditionem dictis emptoribus et eorum heredibus garantire contra omnes in iudicio et extra meis sumptibus propriis perpetuo pacifice et quiete et facere et prestare quidquid in causa euictionis debet fieri et prestari et dictos emptores et eorum heredes indempnes modis omnibus conseruare si aliqui calumpniatores quod absit apparerent et in nullo de cetero contraire per me uel per alium tacite uel aperte me heredes meos omnia bona mea propter hoc obligando Et ego Gaulterus filius dicti Belini Perise uenditoris dictam uenditionem uolo laudo et concedo et confiteor eam de uolontate mea esse factam Et promitto per uiramentum super Sancta Dei Euangelia prestitum corporale contra predictam uenditionem uel contra tenorem istarum litterarum de cetero non uenire Uolumus que nos ad premissa tenenda compelli quasi ex re adiudicata per curiam domini ducis Burgundie cuius iuridictioni quo ad hoc supponimus nos heredes nostros et omnia bona nostra In quorum testimonium istis litteris sigillum dicte curie rogauimus et optinuimus apponi Actum in presentia Iacobi de Lenthena dicte curie notarii apud Rouram Perrini dicti Chauz et Theobaldi Stephani de Postange testium ad hoc uocatorum Anno et mense predictis