Charter Document - 05310011
| Charter Number: | 05310011 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1292 |
| Date type: | Internal, A.D., Feast |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo nonagesimo secundo mense septembri die sabbati ante natalitatem Beate Marie Uirginis Ego Hugo de Uienna domicellus notum facio uniuersis presentes litteras inspecturis quod cum religiosus uir frater Poncius sacrista Sancti Stephani Diuionensis tradidit in ad censam seu firmam usque ad tres annos a die Jouis post festum apostolicorum Petri et Pauli nuper peterit continue numerandos redditus et prouentus quos hactenus recepit et recipere consueuit ratione iuris patronatus in ecclesia de Franceis Bysuntie diocesi item quemdam habitationem suum quem habet in uilla de Franceis A quo non poto ex pacto ultra uiginti solidos per annum exigere ut leuare pro pretio sex libras Uiennenses singulis annis eidem sacriste a me soluendarum ad terminos infra scriptos uidelicet ad festum Resurrectionis Domini sexaginta solidos Uiennenses et ad sequens festum Assumptionis beate Marie Uirginis alios sexaginta solidos Uiennenses et ipsam accensationem et omnia predicta frater Hugo abbas Sancti Stephani predicti uoluerit laudauerit et in predictis consentierit prout hec omnia continentur in quibusdam litteris confectis super hec sigillo dicti abbatis et dicti sacriste quos penes me habeo et prout hec omnia ego confiteor et affero Ego dominus Hugo teneor et promitto per iuramentum meum prestitum corporale et sub obligatione omnium bonorum meorum soluere dicto sacriste ut eius mandato quolibet anno dicti termini predictas sex libras Uiennenses ad terminos supradictos uel facere suum garrantum cum omnibus dampni et interesse inde habitis uel perceptis omnibus exceptionibus iuris et facti renuntiando penitus in hoc facto Uolens me compelli ad premissorum obseruantiam quasi ex re adiudicata per curiam domini ducis Burgundie cuius iuridictioni suppono me quo ad hoc heredes meos et omnia bona mea sine reclamatione alterius curie sine fori In cuius rei testimonium sigillum dicte curie litteris istis rogauimus et obtinuimus apponi Actum in presentia Stephani de Loya clerici notarii Cabilonis Hugonis notarii Eduensis Johannis notarii de Fluiz testium ad hoc uocatorum Anno et mense predictis