Charter Document - 05310007

Charter Document - 05310007


Charter Number: 05310007
Cartulary Title: Chartes de l'Abbaye de Saint-Etienne de Dijon. 11, de 1291 à 1300.
Charter Language: Latin
Charter Origin: Lay
Charter Type(s): Purchase
Date: 1292
Date type: Internal, A.D.
Resource Link(s):

Charter:

In nomine Domini amen Anno Incarnationis eiusdem millesimo ducentesimo nonagesimo secundo mense iullii ego Ioanes dictus Pillerios de Uilla subtus Geureium notum facio uniuersis presentes litteras inspecturis quod ego sponte prouide pro utilitate et necessitate mea uendo concedo et in perpetuum quitto uiris uenerabilibus domino abbati et conuentui Sancti Stephani Diuionensis quamdam petiam terre sitam in finagio de Uilla subtus Geureium iuxta terram dictorum religiosorum et terram que dicitur Costa sancti Stephani quam tenent Moninus et Robertus liberi quondam Morelli maioris de Uilla Quam uenditionem feci dictis religiosis pretio octo librarum Uiennensium mihi ab eisdem solutarum in pecunia numerata de quibus me teneo plenarie pro pagato Quare de predicta petia terre me et meos heredes penitus deuestio et dictos religiosos pro se et eorum successoribus inuestis corporaliter de eadem promittens per iuramentum meum super sancta Dei euangelia corporaliter prestitum et sub obligatione omnium bonorum meorum dictam petiam terre superius uenditam quittam et liberam pro onere suo dictis religiosis et eorum successoribus contra omnes perpetuo garantire deffendere et tenere in pace nostriis propriis sumptibus et empensis et facere et prestare quidquid in causa euictionis debet fieri et prestari et contra predicta uel aliqua de eisdem per me uel per alium decetero non uenire tacite uel expresse uolo etiam me compelli ad omnium premissorum obseruantiam quasi ex re adiudicata per curiam domini ducis Burgundie cuius iuridictioni quo ad hoc supono me et meos heredes et omnia bona mea In quorum testimonium litteris istis sigillum dicte curie rogaui et obtinui apponi actum in presentia Hugonis de Cabilone notarii Diuionis Berterii de Diuione et Petri de Tari loco clerico dicti notarii testium ad hoc uocatorum Anno et mense predictis