Charter Document - 05310005
| Charter Number: | 05310005 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1291 - 1292 |
| Date type: | Internal, Calendar, Papal |
| Resource Link(s): |
|
Charter:
Nicolaus episcopus seruus seruorum dei dilecto filio Hugoni abbati monasterii Sancti Stephani Diuionensis ordinis Sancti Augustini Lingonensis diocesis salutem et apostolicam benedictionem meritis tue devotionis inducimur ut honestas petitiones tuas quandam cum Deo possumus ad exauditionis gratiam admittamus sane petitio tua nobis exhibita continebat quod frequenter contingit ecclesias et capellas uille Diuionensis monasterio tuo spiritualiter et temporaliter subiectas ac eorum cimeteria per humani effusionem sanguinis et seminis uiolari Unde cum uenerabilis frater noster Lingonensis episcopus ad eas reconciliandas de facili nequeat se conferre et propter hoc prioribus et rectoribus ecclesiarum et capellarum ipsarum interim cessantibus a diuinis scandalum in populo generetur nobis humiliter supplicasti ut super hoc curaremus de oportuno remedio prouidere Nos itaque tuis supplicationibus inclinati reconciliandi ecclesias capellas et cimeteria prefata more solito aqua prius per episcopum benedicta quotiens fuerit oportunum absque ipsius diocesani preiudicto plenam et liberam tibi concedimus auctoritate presentium facultatem Constitutione qualibet super hoc in contrarium edicta non obstante presentibus post octo anno minime ualituris datum apud Urbem Ueterem sexto calendas februarii pontificatus nostri anno tertio