Charter Document - 05310004
| Charter Number: | 05310004 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1291 |
| Date type: | Internal, A.D. |
| Resource Link(s): |
|
Charter:
In nomine domini amen Anno Incarnationis eiusdem millesimo ducentesimo nonagesimo primo mense octobri Nos Perroneta filia defuncti Hugonini dicti Laritie de Aqueductu et Perronetus dictus Boicherans maritus eiusdem Perronete notum facimus omnibus presentes litteras inspecturis quod nos sponte et prouide pro utilitate et necessitate nostra uendidimus concessimus et quittavimus in hereditatem perpetuam uiris religiosis abbati et conuentui monasterii Sancti Stephani Diuionensis pro pictantia et ad usus pictantie dicti conuentus quamdam petiam uinee continentem dimidium iornale mouentem de capite seu maritagio mei Perronete predicte sitam in finagio de Aqueductu ubi dicitur in Plantis iuxta uineam Ioannis dicti Purriot ex una parte et iuxta uineam Roberti dicti Miart Latanu ex altera pretio duodecim librarum Uiennensium de quibus a dictis abbate et conuentu recepimus et habuimus solutionem integram in pecunia numerata propter hoc de predicta petia uinee nos penitus deuestientes dictos abbatem et conuentum pro eis et eorum successoribus nomine pictantie et ad usus pictantie conuentus corporaliter inuestiuimus et in uerum dominium et corporalem possessionem induximus pro omni uoluntate sua plenarie facienda et tenemur et promittimus quilibet nostrum insolidum et pro toto sub obligatione bonorum nostrorum mobilium et immobilium presentium et futurorum et per iuramentum nostrum corporaliter super sancta dei Euangelia prestitum dictam petiam uinee liberam pro recto censu et decima garantire dictis abbati et conuentui et eorum successoribus nomine quo supra ad usus predictos perpetuo contra omnes in omni curia propriis nostris sumptibus et expensis et facere et prestare quidquid in causa euictionis debet fieri et prestari et in nullo per nos uel per alium contraire de cetero tacite uel expresse renuntiantes in hoc facto ex certa scientia nos memorati coniuges et sub virtute prestiti iuramenti exceptioni dicte uenditionis non legitime facte dicti pretii integre non habiti ac exceptioni deceptionis ultra dimidiam iusti pretii doli in factum fori priuilegio beneficio restitutionis in integrum spei future numerationis et habitionis omni iuri in fauorem mulierum introducto omni consuetudini et statuto loci et patrie et omnibus exceptionibus et allegationibus iuris et facti et aliis que contra tenorem presentium possem obici seu dici iurique dicenti gratialem renuntiationem non ualere In quorum testimonium litteris istis sigilla uirorum uenerabilium domini Lamberti decani capelle ducis Burgundie et magistri Petri decani christianitatis Diuionensis suplicauimus et obtinuimus apponi et nos decani predicti ad suplicationem dictorum coniugum sigilla nostra presentibus litteris duximus apponenda Actum anno et mense predictis