Charter Document - 05310003
| Charter Number: | 05310003 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1291 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo nonagesimo primo mense octobri Nos Perroneta filia deffuncti Hugonini dicti Lamrie de Aqueductu et Perronetus dictus Boicherans maritus de eiusdem Perronete notum facimus omnibus presentes litteras inspecturis quod nos sponte et prouide pro utilitate et necessitate nostra uendidimus concessimus et quittauimus in hereditatem perpetuam uiris religiosis abbati et conuentui monasterii Sancti Stephani Diuionensis pro pictantia et ad usus pictantiarie dicti conuentus quamdam petiam vinee continentem dimidium iornale mouentem de capite seu maritagio meo Perronete predicte sitam in finagio de Aqueductu ubi dicitur in Plantis iuxta uineam Ioannis dicti Piuriot ex una parte et iuxta uineam Roberti dicti Miart ex altera pretio duodecim librarum Uiennensium de quibus a dictis abbate et conuentu recepimus et habuimus solutionem integram in pecunia numerata propter quod de predicta petia uinee nos penitus deuestientes dictos abbatem et conuentum pro eis et eorum successoribus nostre pictantie et ad usus pictantiarum eiusdem conuentus corporaliter inuestiuimus et in uerum dominium et corporalem possessionem induximur pro omne uoluntate sua plenarie facienda et tenemus et promittimus quilibet nostrum in solidum et pro toto sub obligatione bonorum nostrorum omnium mobilium et immobilium presentium et futurorum et per iuramentum nostrum corporaliter supra sancta dei Euangelia prestitum predictam petiam uinee liberam pro recto censu et decima garantire dictis abbati et conuentui et eorum successoribus nomine quo supra et ad usus predictos perpetuo contra omnes in omni curia propriis nostris sumptibus et expensis et facere et prestare quidquid in causa euictionis debet fieri et prestari et in nullo per nos uel per alium contraire decetero tacite uel expresse Renunciantes in hoc facto ex certa scientia nos memorati coniuges et sub uirtute prestiti iuramenti exceptioni dicte uenditionis non legitime facere dicti pretii integre non habiti ac exceptioni deceptionis ultra dimidium iusti pretii doli in factum fori priuilegio beneficio restitutionis in integrum spei future numerationis et habitionis omni jure in fauorem mulierum introducto omni consuetudini et statuto loci et patrie et omnibus exceptionibus et allegationibus iuris et facti et aliis que contra tenorem presentium possent obiici seu dici iurisque dicenti generalem renuntiationem non ualere In quorum testimonium litteris istis sigilla uirorum uenerabilium domini Lamberti decani capelle ducis Burgundie et magistri Petri decani christianitatis Diuionensis supplicauimus et obtinuimus apponi et nos decani predicti ad supplicationem dictorum coniugum sigilla nostra presentibus litteris duximus apponenda Actum anno et mense predictis