Charter Document - 05310001
| Charter Number: | 05310001 |
|---|---|
| Cartulary Title: | Chartes de l'Abbaye de Saint-Etienne de Dijon. 11, de 1291 à 1300. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1291 |
| Date type: | Internal, A.D., Feast |
| Resource Link(s): |
|
Charter:
Uniuersis presentes litteras inspecturis Nos frater Hugo humilis abbas monasterii Sancti Stephani Diuionensis notum facimus quod cum sotii nostri canonici dicti monasterii pro uestimentis calciaturis superliciis et aliis sibi necessariis sexaginta solidos Uiennenses singulis annis perciperent a nobis et a predecessoribus nostris a temporibus retroactis usque ad tempus confectionis presentium litterarum et predicta summa pro predictis sibi necessariis non sufficeret propter quod dabatur aliquibus claustrum suum occasio relinquendi per diversa loca uagandi penes amicos consanguineos et etiam extraneos mendicandi et forte mala aliqua perpetuandi nobis existentibus in nostro capitulo cum eisdem ipsi unanimiter et humiliter supplicarunt ad nos eisdem predictam summam augmentare in aliquo dignaremur ad eorum defectus in aliquo releuandos ad predicta mala penitus excitanda quare nos eorum piis et justis populationibus annuentes dictam summam de consensu et uoluntate ipsorum in predicto capitulo una nobiscum existentium cuilibet ipsorum de viginti solidis uiennensibus augmentamus ita quod quilibet ipsorum in festo beati Remigii a nobis et successoribus nostris quatuor libras Uiennenses decetero recipiet annuatim promittentes bona fide pro nobis et successoribus nostris omnia et singula predicta totaliter adimplere et inviolabiliter observare In cuius rei testimonium sigillum nostrum una cum sigillo conuentus predicti monasterii presentibus litteris duximus apponendum actum et datum in capitulo nostro anno domini millesimo ducentesimo nonagesimo primo die ueneris post dominicam qua cantatur jubilate