Charter Document - 05300095
| Charter Number: | 05300095 |
|---|---|
| Cartulary Title: | L'Organisation financière de la Bourgogne sous Philippe le Hardi et chartes de l'abbaye de Saint-Étienne de 1280 à 1285. |
| Charter Language: | Latin |
| Charter Origin: | Lay |
| Charter Type(s): | Lease |
| Date: | 1384 |
| Date type: | Assigned |
| Resource Link(s): |
|
Charter:
In nomine [] Nos Willermus Iohannes Macellus Billonus Hugoninus et Theobaldus fratres filii defunti Petri Broquart de Potengeyo [] quod nos sponte prouide retinuimus accessauimus et ad censum annuum accepimus a uiro religioso fratre Girardo humili abbate Sancti Stephani Dyuionensis et conuentu eiusdem loci et ab eorum successoribus quoddam mansum suum situm in finagio de Potangeyo in quo moramur et est iuxta pasquerium ex una parte et terram dictorum es Reneueaux ex altera item duas pecias terre arabilis sitas in finagio de Potangeyo ubi dicitur en Ueleis item unam peciam terre sitam es Peraux in finagio de Longa Curia item decem iornalia terre sita es Rotures des Essars in finagio de Potengeyo inter terram dictorum es Reneueaux et terram liberorum Wilelmeti Carsie pro quibus superius antesatis rebus tenemur et promittimus per iuramenta nostra [] reddere et soluere annis singulis de cetero apud Dyuionem in abbatia Sancti Stephani Dyuionensis infra festum Natiuitatis Domini quatuor eminas auene ad mensuram Dyuionensem et nisi quatuor anime predicte fuerunt ut dictum est persolute tenebimur in crastino dicti festi eistem religiosis ad emendam unius bicheti auene Et si unus uel plures nostrum a dicto manso recederent aut recederet ille uel illi qui dictum mansum cum aliis terris teneret uel tenerent soluere tenerentur censam supradictam cum emenda supradicta Et est sciendum quod ad predicta tenenda et soluenda tenemur quamdiu in dicto manso morabimur Item sciendum est quod quamdiu in dicto manso morabimur et predicta tenebimur erimus iusticiabiles religiosorum predictorum et de terris arabilibus et terciabilibus contentis in predictis rebus soluere tenebimur et promittimus dictis religiosis tercias et alia onera que debentur Item sciendum est quod si forte nos omnes fratres predicti a domo dictorum religiosorum recederimus statim predicta omnia in adcensatione contenta ad dictos religiosos et eorum successores cum omnibus meliorationibus crementis et edificiis reuertentur perpetuo pacifice et quiete Hec autem omnia et singula predicta []