Charter Document - 05300080
| Charter Number: | 05300080 |
|---|---|
| Cartulary Title: | L'Organisation financière de la Bourgogne sous Philippe le Hardi et chartes de l'abbaye de Saint-Étienne de 1280 à 1285. |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1283 |
| Date type: | Assigned |
| Resource Link(s): |
|
Charter:
In nomine [] Ego Martinus de Mediomonte dictus Bouchoz [] uendidi quittaui et concessi perpetuo Aluydi de Maleyo Iuhannete de Dyuione Ysabelli Huguete monialibus et Suplicie conuerse de Prato Longuo unam peciam terre arabilis liberam pro decima sitam desuper saretam contornantem super les Ioniches inter terram Quonstancii Plector ex una parte et terram Perrini Barron ex altera nomine ecclesie sue de Prato Longo pro quatuor libris et decem solidis Uiennensibus dequibus [] deuestiens religiosas mulieres moniales et conuersas predictas corporaliter inuestiui et in possessionem induxi [] Hanc autem uenditionem solutionem uestituram predictas nos Garinus Iohannes et Petrus liberi predicti Martini laudamus uolumus [] Insuper ego Martinus predictus teneor et promitto me pro supradictis emptricibus cum personas omnes ubique locorum et in omni curia meis sumptibus propriis opponere ac etiam respundere et eas inde seruare modis omnibus indempnes siqui calumpniatores apparerent quod absit [] Nos uero moniales omnes et conuersa predicte notum facimus in presentibus uniuersis quod nos peciam terre predictam sacristarie ecclesie de Prato Longo post decessum nostrum quumque perpetuo damus concedimus et quittamus promittentes sub uoto religionis nostre nos contra donationem istam non uenire decetero nec aliquid uenditare seu etiam reclamare In tocius rei testimonium litteris istis ego Martinus predictus et nos moniales et conuersa predicte sigillum uenerabilis uiri et discreti magistri Guidonis decani Xristianitatis Sancti Sequani una cum sigillo ecclesie Floriaci rogauimus et obtinuimus apponi Actum in presentia domini Martini presbiteri Henrici clerici de Floriaco []