Charter Document - 05300077
| Charter Number: | 05300077 |
|---|---|
| Cartulary Title: | L'Organisation financière de la Bourgogne sous Philippe le Hardi et chartes de l'abbaye de Saint-Étienne de 1280 à 1285. |
| Charter Language: | Latin |
| Charter Origin: | Religious |
| Charter Type(s): | Will |
| Date: | 1283 |
| Date type: | Assigned |
| Resource Link(s): |
|
Charter:
In nomine [] Nos Artaudus decanus capelle ducis Burgundie et magister Petrus decanus Xristianitatis Diuionensis executores ultime uoluntatis seu testamenti bone memorie Odette relicte Thome de Burgo quondam burgensis Dyuionis notum facimus omnibus presentes litteras inspecturis quod nos quandam clausulam testamenti seu ultime uoluntatis dicte Odete que sic incipit Item do et lego Deo et beate Marie et ecclesie Sancti Stephani Diuionensis triginta solidos annui et perpetui redditus pro anniuersario patris mei defuncti et meo singulis annis in eorum ecclesia celebrando quos predictos triginta solidos ex nunc assideo et assigno super domum pasterii et super mansum et eius perticencias sitas Diuione in claustro iuxta domum Margarete de Saudone ex una parte et iuxta domum domini Pontii de Uantous ex altera uidimus et diligenter inspeximus et de uerbo ad uerbum legimus prout superius continetur clausula supradicta testamentum cuius Odete predicte seu uoluntas ultima sigillo curie domini ducis Burgundie sigillatur In cuius rei testimonium et munimen litteris istis sigilla nostra apposuimus Datum et actum anno Domini millesimo ducentesimo octogesimo tertio mense iulio