Charter Document - 05300019
| Charter Number: | 05300019 |
|---|---|
| Cartulary Title: | L'Organisation financière de la Bourgogne sous Philippe le Hardi et chartes de l'abbaye de Saint-Étienne de 1280 à 1285. |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1281 |
| Date type: | Internal, A.D., Feast |
| Resource Link(s): |
|
Charter:
Anno Domini millesimo ducentesimo octogesimo primo die Iouis ante Penthecostem cum discordia uerteretur coram nobis magistro Iacobo de Rocha preposito Eduense habente mandatum super hoc speciale a domino nostro R duce Burgundie inter religiosum uirum abbatem Sancti Stephani Diuionensis ex una parte et uenerabiles uiros decanum et canonicos capelle eiusdem ducis ex altera super quandam composicionem inter dictas ecclesias quondam initam sigillis abbatis et conuentus Sancti Stephani et decani et capituli predicte capelle et sigillo bone memorie O quondam ducis Burgundie sigillatam manutenendamque per dictum ducem et successores eiusdem ac auctoritate sedis apostalice confirmatam Super eo uidelicet quod dictus abbas petebat sibi fidelitatem fieri a decano et canonicis supradictis et per eorumdem iuramenta firmari fidelitatem predictam et composicionem factam domini est inter dictas ecclesias se imperpetuum tenendos et seruaturos cum eorum predecessores istud idem alias iurauissent et ipsorum et eorumdem successores hoc idem facere tenerentur sicuti in littera super composicione confecta plenius est expressum Ex parte decani et canonicorum sint ex aduerso propositum et responsum quod capella predicta ex ui et potestate cuiusdam articuli in littera composicionis contenti pro duce et ducissa cismiterium habere poterant et debebant dicentes prius esse declarandum si ex ui dicti articuli possent et debebant habere cismiterium pro duce et ducissa quem debere facere fidelitatem et iuramenta prestare sicut petebatur ab abbate predicto abbas siquidem antedictus fidelitatem et iuramenta prius esse prestanda dicebat offerens se sancta fidelitate et prestitis iuramentis facturum et procuraturum omnia ad que ex ui et auctoritate predicte littere teneretur Et super hiis uidelicet ad quod esset prius procedendum utrum ad fidelitatem faciendam et iuramenta prestanda uel ad faciendam declaracionem articuli memorati partes predicte a nobis interloqui potierunt Die igitur Iouis ante Penthecostem predictam assignata predictis partibus ad interloquendum a nobis et eis coram nobis in iudicio comparentibus uidelicet dicto abbate personali et dicto decano et domino Iohanne de Roura canonico dicte capelle pro se et capitulo dicte capelle ut dicebant et a nobis interlocutoriam cum instancia ferri postulandibus Nos auditis rationibus utriusque partis et diligenter inspectis solum Deum habentes pre oculis bonorum uirorum freti consilio in presentia reuerendi in Xristo patris ad domini G dei gratia Lingonensis capituli domini nostri R ducis Burgundie predicti domini Guillelmi domini de Granceyo domini Iohannis de Blanosto militum magistri Girardi decani Lingonensis et magistri Lamberti archidiaconi Laticencis in ecclesia Lingonensis interloquendo pronunciamus fidelitatem et iuramenta predicta prius esse facienda et prestanda cum sit maximum remedium dirimendarum hominum iusiurandum Et deinde esse procedendum ad composicionem tenendam et declarandam in singulis articulis in quibus tenenda sint dicta composicio et etiam declaranda In cuius rei testimonium presentibus litteris sigillum nostrum duximus apponendum Dicto anno et die predictis