Charter Document - 05300017
| Charter Number: | 05300017 |
|---|---|
| Cartulary Title: | L'Organisation financière de la Bourgogne sous Philippe le Hardi et chartes de l'abbaye de Saint-Étienne de 1280 à 1285. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1281 |
| Date type: | Assigned |
| Resource Link(s): |
|
Charter:
In nomine [] mense maio [] Nos Iacoba de Coycheyo filia defuncti domini Filii de Dyuione et Ioannes eius filius ad hoc renuncians omni auerie tutele cure et etati minori notum facimus omnibus presentes litteras inspecturis recognoscentes et asserentes firmiter per iuramentum nostrum prestitum super sancta Dei euangelia corporale quod domina Adelina relicta defuncti Aymonis dicti Colon mater defuncte Margarete matris defuncti Iacobi de Talmay armigeri mariti mei Iacobe patrisque mei Ioannis predictorum in bona mentis et corporis dispositione existens pro remedio anime sue et antecessorum suorum legauit dedit et concessit in puram et perpetuam elemosinam Deo et ecclesie Beati Stephani Dyuionensis quinque eminas frumenti quas habebat et habere debebat annis singulis in parte sua decime de Tasgnay Quare dictum domnum laudamus uolumus et confirmamus et dictarum quinque eminarum frumenti nos Iacoba et Ioannes predicti medietatem scilicet duas eminas frumenti et unum bichetum dicti bladi tenemur et promitimus per iuramentum nostrum prestitum reddere et soluere abbati et conuentui dicte ecclesie in perpetuum annis singulis uel eorum mandato infra quindenam festi beati Remigii Quas duas eminas et unam bichetum frumenti annuatim modo predicto percipiendas accedimus et assignamus super partem mei Ioannis predicti decime de Tasnay quem dominus Ebrardus de Pleo papa seu dominus Ioannes eius filius nunc detinent titulo pignoris obligatam et super medietatem grangie et mansi eius de Tasnay quam ego Iohannes habeo communem cum domino Otone de Mirabello patruo meo de quibus duabus eminis et uno bicheto frumenti inuestimus promittentes quilibet nostrum in solidum et pro toto pro nobis et nostris heredibus quos ad hoc obligamus per iuramentum nostrum predictum et sub obligatione omnium bonorum nostrorum mobilium et imobilium presentium et futurorum dictas duas eminas et unum bichetum frumenti modo predicto reddere et super predictis portare garanciam dictis abbati et conuentui dicte ecclesie et eorum successionibus perpetuo contra omnes in omni curia nostris sumptibus propriis et nisi dicte due emine et unum bichetum frumenti modo predicto soluentur Uolumus ut dicti abbas et conuentus ad predictam assesionem recurrant et teneant et ex ipsa fructus suos modis omnibus faciant donec dicte due emine et unum bichetum frumenti modo predicto soluerentur Uolumus ut dicti abbas et conuentus de quolibet anno quo solute et soluture nos esset eis integre persoluantur omnia alia bona nostra propter hos obligantes Renunciantes in hoc facto [] In quorum testimonium litteris istis sigillum dicte curie [] [ducis Burgundie]