Charter Document - 05300015

In nomine Domini amen Anno incarnationis eiusdem MCC ducentesimo octogesimo mense aprilis ante Pasqua Ego Margaretta filia defuncti Hugonis de Pesmis de Dyuione [] uendo in hereditatem perpetuam [] quatuor pecias terrarum arabilium sitas in finagio de Cutigneio continentes circiter tria iornalia et dimidium quarum una sita est es Arbues iuxta grangiam dictorum emptorum hinc inde alia sita est en Roserer iuxta terram Guidonis dicti Chauchart ex una parte et iuxta terram Naalini ex altera altera sita est en Chagnoi iuxta terram dictorum emptorum ex una parte et iuxta terram Belette de Cutigneio ex altera et alia sita est es Angles iuxta terram Hugonis Furnerii ex una parte et iuxta terram Perelli de Stabulis ex altera precio nouem librarum Uiennensium [] Hanc autem uenditionem ego Aymoninus dictus Affrons clericus maritus dicte Margarette laudo uolo et concedo et non contra uenire promitto per meum iuramentum prestitum super sancta Dei euangelia corporale Renuntiamus si quidem in hoc facto nos Margaretta et Aymoninus predicti sub uirtute prestiti iuramenti exceptioni dicte uenditionis legitime non facte dicti pretii integre non habiti et non recepti doli in factum fori priuilegio beneficio restitutionis in integrum omnibus exceptionibus iuribus in fauorem mulierum introductis et omnibus exceptionibus et allegationibus tocius iuris canonici et ciuilis et consuetudinis et facti ac iuri dicenti generalem renuntiationem non ualere uolentes nos compelli ad premissorum obseruantiam tamquam ex re adiudicata per curiam domini ducis Burgundie cuius iuridictioni quod ad hoc supponimus nos et nostros heredes in quorum testimonium litteris istis sigillum dicte curie supplicauimus et obtinuimus apponi Actum in presencia Bonetti notarii Diuionis Nicholaii dicti Affrons et Bellete Galteri dicti Larmone et Iohannis Robelier clerici testium ad hoc uocatorum Anno et mense predictis