Charter Document - 05300013
| Charter Number: | 05300013 |
|---|---|
| Cartulary Title: | L'Organisation financière de la Bourgogne sous Philippe le Hardi et chartes de l'abbaye de Saint-Étienne de 1280 à 1285. |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1280 - 1281 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis Officialis Lingonensis salutem in Domino Noueritis quod in nostra presentia propter hoc personaliter constitutus uir uenerabilis magister Theobaldus de Diuione canonicus Lingonensis confitetur et recognoscit presente uiro religioso fratre Girardo abbate Sancti Stephani Diuionensis quod ipse pro remedio anime sue et antecessorum suorum et pro eo quod dictus abbas et conuentus Sancti Stephani Diuionensis promiserunt eidem celebraturos pro ipso et suis antecessoribus suis quolibet anno quamdiu uixerit in ipsorum monasterio quatuor missas de sancto spiritu et post ipsius obitum singulis annis quatuor pro deffunctis uidelicet qualibet die sequente proximo ieiunia quatuor temporum suam missam et qualibet die qua celebrabitur dicta missa dictus abbas et ipsius successores uiginti quinque solidos Turonnensium pro pitantia dabunt conuentui supradicto dedit et concessit dat et concedit donatione facta inter uiuos perfecte et irreuocabiliter et coram nobis insinnuata solo usu fructu sibi retento quamdui uixerit dictis abbati et conuentui et eorum successoribus quartam partem tocius magne decime uillarum et territoriorum atque finagiorum et pertinentiarum de Clenayo de Bretigneyo et de Oigneyo quam acquisiuit ut dicitur a Stephano dicto Bouion milite et a Iohanne domicello eius filio cum omnibus quecumque predicti Stephanus et Iohannes habebant habere poterant et debebant in dicta decima quoquomodo et ratione uenditionis a Guillelmo de Saudun milite sibi facte cedens idem magister Theobaldus predictis religiosis omnia iura et omnes actiones que sibi competebent et competere poterant quacumque ratione in decima supradicta Promittens bona fide quod contra dictam donationem non ueniet in futurum per se uel per alium tacite uel expresse Uolens quod nos uel Officialis Lingonensis quem pro tempore fuerit ipsorum et ipsius heredes deplano et sine strepitu iudicii compellamus ad obseruantiam predictorum ad quencumque locum se transferant uel diuertant quantum ad hoc se et heredes suos supponens iuridictioni curie Lingonensis quod nos Officialis predictus pro nobis et successoribus nostris promittimus nos facturos In cuius rei testimonium ad requisitionem dicti magistri Theobaldi presentibus litteris sigillum curie Lingonensis duximus apponendum Datum et actum anno Domini millesimo ducentesimo octogesimo die Iouis ante Ramos Palmarum mense aprili