Charter Document - 05300010
| Charter Number: | 05300010 |
|---|---|
| Cartulary Title: | L'Organisation financière de la Bourgogne sous Philippe le Hardi et chartes de l'abbaye de Saint-Étienne de 1280 à 1285. |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1280 - 1281 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo ducentesimo octogesimo mense iannuarii Ego Ioannes filius defuncti Stephani de Fixeio filio defuncti Andree de Fixeio notum facio omnibus presentes litteras inspecturis quod ego pro utilitate mea feci cum uiris religiosis fratre Humberto de Marcennaio rectore et fratribus et sororibus domus Dei de Brochons Lingonensis diocesis permutationem et escambium ut inferius annotatur uidelicet quod pro quadam petia uinee libera pro recta decima sita in finagio Fixei ubi dicitur au Quart Serier iuxta uineam heredum domini Guillelmi de Baubrun ex una parte et iuxta uineam Guillelmi Michelin de Fixeio ex altera quam petiam uinee dicti rector fratres et sorores mihi tradunt et quittant in perpetuum mihi et meis heredibus trado atque concedo et quitto perpetuo dictis rectori fratribus et sororibus petiam unam uinee sitam in finagio de Fixeio en Champ Desiue iuxta uineam Belot la Forosse ex una parte et iuxta uineam dictorum rectoris fratrum et sororum ex altera item decem solidos Uiennenses desottis Qua re de dicta petia uinee de Champ Desiue ego me penitus deuestiens dictos rectorem fratres et sorores corporaliter inuestiui et promitto et teneor sub obligatione omnium bonorum mobilium et immobilium presentium et futurorum et per sacramentum meum pro me et meis heredibus quos ad hoc obligo prestitum super sancta Dei euangelia corporale dictam petiam uinee liberam pro recta decima garantire dictis rectori fratribus et sororibus ac eorum successoribus perpetuo contra omnes in omni curia propriis meis sumptibus et eos inde conseruare modis omnibus indemnes si qui calumniatores aparerent quod absit et facere et prestare quidquid in causa euictionis debet fieri et prestari et in nullo contraire de cetero per me uel per alium tacite uel expresse Renuntiantes in hoc facto et ex certa scientia exceptioni doli in factum uel deceptionis in aliquo et omnibus exceptionibus iuris et facti In quorum testimonium litteris istis sigillum uiri uenerabilis domini Artaudi decani capelle ducis Burgundie et sigillum domini Acelini curati de Fixeio supplicaui et obtinui aponi et nos decanus et curatus predicti ad preces Ioannis sigilla nostra litteris istis apposuimus Actum anno MCCIIIIXX mense iannuarii