Charter Document - 05300009

In nomine Domini amen Anno incarnationis eiusdem millesimo ducentesimo octogesimo mense iannuarii nos Robertus Hugonettus Simeon et Iohannes filii defuncti Iohannis dicti Arnaut de Diuione notum facimus omnibus presentes litteras inspecturis quod nos sponte provide sine ui et metu et sine circonuentione aliqua pro utilitate et necessitate nostra uindimus concedimus tradimus et quittamus in hereditatem perpetuam uiris uenerabilibus et religiosis abbati et conuentui Sancti Stephani Diuionensis pro eis et eorum successoribus duas petias terre arabilis qui tenebantur dictis abbati et conuentui in decima et tertiis sitas in finagio Cautignei una scilicet en Longeroie prope nemus Uessange iuxta terram Peronetti dicti de Stabulis ex una parte et iuxta terram liberorum Dionisetti Menue ex altera et alia en Chesnay iuxta terram Uiuani filii Hugonis de Pesmis ex una parte et iuxta corueiam dictorum abbatis et conuentus ex altera Item unam petiam prati continentem circiter unam sexturam liberam et quittam pro duobus denarii consualibus qui debentur dictis abbati et conuentui sitam in pratiam de Cautigneio ou Tarperat iuxta pratum Alberici le Bolier ex una parte et iuxta pratum Peronetti Estables et pratum filii au Mugnier ex altera pretio centum et decem solidorum Uiennensium et unius quartalli frumenti de quibus a dictis emptoribus in numerata pecunia et frumento solutionem recepimus integram et perfectam Propter quod de dictis duabus petiis terre et dicta petia prati nos omnes deuestiuimus et dictos abbatem et conuentuum per manum domini Renaudi celerarii dicte ecclesie corporaliter inuestiuimus et in uerum dominium et possessionem corporalem induximus et promittimus et tenemur quilibet nostrum in solidum et pro toto sub obligatione bonorum nostrorum omnium mobilium et immobilium presentium et futurorum et per sacramentum nostrum pro nobis et nostris heredibus quos ad hoc obligamus prestitum super sancta Dei euangelia corporale dictas duas petias terre et dictam petiam prati garantire dictis abbati et conuentui et eorum successoribus perpetuo contra omnes et nos pro eis semper et ubique locorum et in omni curia contra personas omnes opponere propter hoc et respondere propriis sumptibus nostris et in nos pro eis litis onus suscipere quam cito et quotiens super hoc fuerimus requisiti et eos inde conseruare modis omnibus indempnes si qui calumpniatores apparerent quod absit et facere et prestare quidquid in causa euictionis debet fieri et prestari et in nullo contraire de cetero per nos uel per alios tacite uel expresse Renuntiantes in hoc facto ex certa scientia per iuramenta nostra exceptioni dicte uenditionis legitime non facte et dicti pretii non habiti ac exceptioni deceptionis ultra dimidium iusti pretii fori privilegio omni consuetudini et statuto loci et patrie et omnibus exceptionibus allegationibus et defenssionibus totius iuris consuetudinis et facti ac iuri dicenti generalem renuntiationem non ualere In quorum testimonium litleris istis sigilla uirorum uenerabilium domini Artaudi decani capelle ducis Burgundie et magistri Hugonis decani Christianitis Diuionis rogauimus et obtinuimus aponi et nos dicti decani ad preces et requisitionem dictorum Roberti Hugonetti Simeonis et Iohannis litteris istis sigilla nostra apposuimus in testimonium ueritatis Actum anno et mense predictis