Charter Document - 05300003
| Charter Number: | 05300003 |
|---|---|
| Cartulary Title: | L'Organisation financière de la Bourgogne sous Philippe le Hardi et chartes de l'abbaye de Saint-Étienne de 1280 à 1285. |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1280 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo ducentesimo octogesimo mense augusti Ego Perrenetus de Cutigneio filius defuncti Dominici Enauger notum facio omnibus presentes litteras inspecturis quod ego pro utilitate et necessitate mea uendo concedo trado et quitto in hereditatem perpetuam uiris religiosis abbati et conuentui ecclesie Sancti Stephani Diuionensis quatuor pecias terre arabilis sitas in finagio de Cutigneio quarum una sita est ubi dicitur es Rosières iuxta terram Hugonis Frillot et iuxta terram Uieneti Uiot alia sita est subter le Biez de Fonteneilles iuxta terram Andree de Cutigneio domicelli hinc inde alia sita est subter preriam des Haies iuxta terram Hugonis Frillot et iuxta terram Bernardi Pautin est alia sita est in dicto loco des Haies iuxta terram dicti Bernardi et iuxta uiam per quam itur apud Diuionem Item et duas pecias prati continentes unam secturam et dimidiam sitas in preria de Rosières quarum una sita est iuxta pratum dicti Andree domicelli et iuxta pratum Perini Naalin et alia sita est en Gorguenay iuxta pratum Bernardi Pautin et iuxta pratum Hospitalis Dyuitum Quam uenditionem feci pretio quatuor librarum et decem solidorum Uienuensium de quibus a dictis emptoribus recepi et habui solutionem integram in pecunia numerata Propter quod de predictis omnibus peciis terre et prati ego me penitus deuestiens dictos emptores pro se et eorum successoribus corporaliter inuestiui Quare teneor et promitto sub obligatione bonorum meorum omnium mobilium et immobilium presentium et futurorum et per sacramentum meum pro me et meis heredibus quos ad hoc obligo prestitum super sancta Dei euangelia corporale predictas pecias terre et prati garantire dictis emptoribus et eorum successoribus in omni curia meis propriis sumptibus perpetuo contra omnes et eos inde modis omnibus indempnes obseruare si qui calumpniatores apparerent quod absit et facere et prestare quidquid in causa euictionis fieri debet et prestari et in nullo contra ire per me uel per alium decetero tacite uel expresse Hanc autem uenditionem ego Iuhanneta uxor dicti Perreneti uolo laudo et concedo et ratam ac firmam habeo et promitto imperpetuum habere iuramento meo super hoc prestito corporale et in nullo contraire per me uel per alium decetero ratione dotis uel dotalicii seu donationis propter nuptias aut conquestus uel assignationis seu proprietatis aut iure uel consuetudine seu modo alio qualicumque et super premissis omnibus et singulis garantiam portare dictis emptoribus et eorum successoribus in omni curia meis propriis sumptibus perpetuo contra omnes Renontiamus si quidem in hoc facto sub uirtute prestiti iuramenti nos Perrenetus et Iuhanneta predicti exceptioni dicte uenditionis legitime non facte dicti pretii integre non habiti et deceptionis ultra dimidiam iusti pretii doli in factum fori priuilegio beneficio restitutionis in integrum omnibus iuribus in fauorem mulierum introductis et omnibus exceptionibus et allegatoribus totius iuris canonici et ciuilis et consuetudinis et facti Uolentes nos compelli ad premissorum obseruantiam tanquam ex re adiudicata per curiam domini ducis Burgundie cuius iuridictioni quo ad hoc supponimus nos et nostros heredes In quorum testimonium litteris istis sigillum dicte curie supplicauimus et obtinuimus apponi Actum in presentia Boneti notarii Dyuionis Laurentii clerici Sancti Stephani Acelini corrigiarii et Uillermi Auteroise testium ad hoc uocatorum Anno et mense predictis