Charter Document - 05291018
| Charter Number: | 05291018 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1271 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Nouerit uniuersitas uestra quod cum nos pro gratiis et acceptis fauorum ostensionibus et benefitiorum largitionibus nobis factis a dilectis nostris in Christo abbate et conuentu Sancti Stephani Diuionensis in receptione reuerendissimi fratris nostri Henrici quem ad suam receperunt societatem Deo seruientium sub habitu religionis dederimus et concesserimus eisdem abbati et conuentui ducentas libras Turonensium annuatim habendas et percipiendas et ab ipsis in nathali Domini et ipsas eisdem abbati et conuentui deputauerimus et assignauerimus recipiendas de prouentibus sine emolumentis molendini nostri brasii in Bruxella ac etiam de minoribus ibidem theloneis et reuerendissima mater nostra pro ipsis et nomine ipsorum et de uoluntate nostra predictam assignationem in se receperit et promiserit se dictas ducentas libras Turonensium annuatim in predicto termino quandiu uixerit soluturas nos eisdem abbati et conuentui promittimus dictas ducentas libras Turonensium soluere annuatim in termino supradicto post mortem predicte carissime matris nostre et ad hoc nos et heredes nostros et omnia bona nostra eisdem abbati et conuentui specialiter obligamus omnibus dolis et fraudibus exclusis promittentes per iuramentum a nobis corporaliter prestitum nos omnia predicta fideliter seruaturum et quod contra predicta uel alterum predictorum nullatenus ueniemus per nos uel per alium nec alium contrauenire permittemus hoc saluo quod post obitum ipsius Henrici predictas ducentas libras Turonensium redimere poterimus erga predictos abbatem et conuentum pro mille libris Turonensium simul et semel pagandis et soluendis de quibus tamen mille libris Turonensium predicti abbas et conuentus annuos redditus hereditarios comparare debebunt et tenentur anniuersarium ipsius Henrici et commemorationem animarum patris eius et nostri atque matris nec non antecessorum nostrorum sollemniter perpetuo facere Uolumus autem quod nichilominus littere assignationis predicte sint in suo robore durature In cuius rei testimonium sigillum nostrum presentibus litteris duximus apponendum Datum et actum Remis anno Domini millesimo ducentesimo septuagesimo primo prima die mensis septembris