Charter Document - 05290086

Uniuersis presentes litteras inspecturis Otho decanus et capitulum Lingonense frater Girardus abbas Sancti Stephani Dyuionensis totusque eiusdem loci conuentus salutem in Domino Notum facimus quod nos pensata et considerata euidenti utilitate ecclesiarum nostrarum habito diligenti et solempni tractatu in ecclesiis nostris die mercurii post festum beati Nicholai hiemalis ad hoc faciendum a nobis dictis et decano et capitulo specialiter assignata ius patronatus quod nos dicti decanus et capitulum habemus in ecclesia de Neulleio prope Fauorneium et quicquid in dicta ecclesia percipimus ac percipere possumus et debemus et nos abbas et conuentus predicti ius patronatus quod habemus in ecclesia de Brochone et quicquid in dicta ecclesia percipimus et percipere possumus et debemus ad inuicem permutamus promittentes bona fide pro nobis et pro successoribus nostris nos contra dictam permutationem in posterum non uenturos sed eam ratam et firmam imperpetuum habituros Attendentes itaque nos decanus et capitulum memorati deuotionem quam dicti abbas et conuentus erga nos et predecessores nostros habent et hactenus habuerunt donationem quam fecit eisdem de dicta ecclesia de Neuilleio et pertinenciis reuerendus pater ac dominus G Dei gratia Lingonensis episcopus consentimus et eamdem ratam ac gratam habemus In quorum omnium testimonium et munimen nos decanus et capitulum abbas et conuentus nos predicti sigilla nostra presentibus litteris duximus apponenda Datum die mercurii predicta post festum beati Nicholai anno Domini millesimo ducentesimo septuagesimo sexto