Charter Document - 05290085
| Charter Number: | 05290085 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1276 |
| Date type: | Internal, A.D. |
| Resource Link(s): |
|
Charter:
Uniuersis presentes litteras inspecturis G Dei gratia Lingonensis episcopus salutem in Domino Quod uiri uenerabiles decanus et capitulum Lingonense patroni ecclesie de Nulleyo prope Fauuerneium et uiri religiosi abbas et conuentus Sancti Stephani Dyuionensis patroni ecclesie de Broichone nostre dyocesis iura patronatus dictarum ecclesiarum ad inuicem licite permutare ualeant auctoritatem concedimus et consensum dictam ecclesiam de Nulleyo cum pertinenciis prenominatis abbati et conuentui et eorum successoribus dum tamen dicti decanus et capitulum consentiant in usus proprios concedentes quam siquidem ecclesiam secundum quod deseruierit suas ecclesias Dyuionenses faciant in perpetuum deseruire Uolentes quod auctoritate propria decedente uel resignante curato possessionem intrare ualeant ecclesie memorate Saluis nobis et successoribus nostris quantum ad omnia alia iuribus episcopalibus in ecclesia supradicta In cuius rei testimonium sigillum nostrum presentibus litteris duximus apponendum Datum anno Domini millesimo ducentesimo septuagesimo sexto mense nouembri