Charter Document - 05290078
| Charter Number: | 05290078 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1275 - 1276 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo septuagesimo quinto mense martii ego Jacobus dictus Pautins filius defuncti Willelmi Pautins quondam burgensis Dyuionensis notum facio omnibus presentes litteras inspecturis prouida deliberatione non in aliquo circumuentus pro utilitate et necessitate mea uendo concedo et quitto in hereditatem perpetuam dilecto auunculo meo Bernardo dicto Pautins burgensi Dyuionensi pro se et eius heredibus terciam partem cuiusdam uolerie fundi mansi et pertinenciarum eius site Dyuioni in uico es Pautins iuxta domum predicti Bernardi emptoris ex una parte et iuxta domum lapideam que fuit Willelmi patris mei ex altera item totam aasantiam quam habeo et habui hactenus in toto muro uolerie predicte item tertiam partem omnium pratorum que ego et fratres mei habemus et habere debemus in finagio de Sancto Appolinari et in loco ubi dicunt en Guorgnenai in quibus omnibus pratis predictis predictus Bernardus habet duas partes item et quicquid iuris rationis actionis possessionis sassine proprietatis habeo et habere possum et debeo tam in predicta uoleria fundo manso et pertinenciis eius et aasancia predicta quam in omnibus pratis supradictis Quam uenditionem predictam feci predicto Bernardo precio nouem librarum Uiennensium de quibus ab ipso plenam perfectam et integram solutionem recepi et habui in pecunia numerata et propter hoc de predictis omnibus et singulis in presenti uenditione contentis ego me penitus deuestiens et dictum Bernardum auunculum meum pro se et eius heredibus corporaliter inuestiens et in uerum dominium et corporalem possessionem induco et teneor et promitto sub obligatione bonorum meorum omnium mobilium et immobilum presentium et futurorum et per sacramentum meum pro me et meis heredibus quos ad hoc obligo prestitum iuramentum predicta omnia et singula in presenti uenditione contenta libera ab omni seruitute et onere garantire predicto Bernardo et eius heredibus perpetuo contra omnes curia propriis meis sumptibus et onus litis in me pro eis suscipere quam cito et quocienscumque super hoc fuero requisitus sine dilatatione et eos inde seruare modis omnibus indempnes si qui calumniatores quod absit apparerent et facere et prestare quicquid in causa euictionis debet fieri et prestari et in nullo per me uel per alium contraire de cetero tacite uel expresse Renuntiantes in hoc facto per sacramentum meum exceptioni dicti precii integre non habiti ac exceptioni deceptionis ultra dimidiam iusti pretii doli in factum fori priuilegio beneficio constitutionis integrum omni consuetudini et statuto loci et proprie et omnibus exceptionibus et allegationibus totius iuris canonici et ciuilis uolens me compelli ad obseruanciam omnium premissorum tanquam ex re adiudicata per curiam ducis Burgundie cuius iurisdictioni quo ad hoc suppono me et meos heredes In quorumomnium testimonium litteris istis sigillum dicte curie supplicaui et obtinui apponi Actum anno et mense predictis