Charter Document - 05290075

In nomine Domini amen Anno Incarnationis ejusdem millesimo ducentesimo septuagesimo quinto mense februarii nos Hugonettus dictus Maclex filius de functe Perronette filie defuncti Martini Le Breton et Arnulphus et Lambertus filii defuncte Hersaudis sororis dicti Martini Le Breton heredes dicti Martini Le Breton notum facimus omnibus presentes litteras inspecturis et firmiter asserimus quilibet nostrum in solidum et pro toto quod cum predictus Martinus Li Bretons teneretur uiris religiosis abbati et conuentui ecclesie Beati Stephani Diuionensis in uiginti et quinque libris Uiennensium ex causa reddituum ipsorum quos receperat et habuerat idem Martinus nos uero sponte et prouide sine circumuentione aliqua pro predictis uiginti et quinque libris et ad exhonerationem anime ipsius Martini tradimus concedimus et quictamus in hereditatem perpetuam predictis abbati et conuentui et eorum successoribus duas pecias uinearum quas Marietta filia dicti Trichateal tenet in dotalicium quarum una continens tria quarteria sita est a l'Argillere juxta uineam confratrie capient anorum ex una parte et juxta uineam dicti heredum dicti Cheualier Goial ex altera et alia continens dimidium jornale sita est en Crusilles juxta uineam Brichi filii Petri Darbois ex una parte et juxta uineam neptis magistri Petri Ruffi de Chamberiis ex altera et propter hec de predictis duabus pecies uinearum nos omnino deuestimus et dictos abbatem et conuentum pro eis et eorum successoribus corporaliter inuestimus nomine uiginti et quinque librarum Uiennensium predictarum quare tenemur et promittimus quilibet nostrum in solidum et prototo sub obligatione bonorum nostrorum omnium mobilium et immobilium presentium et futurorum et per sacramentum nostrum pro nobis heredibus quos ad hoc obligamus prestitum super sancta Dei euangelia corporale predictas duas pecias uinearum liberas ab omni onere pro recta decima et recto censu garantire predictis abbati et conuentui et eorum successoribus perpetuo contra omnes in omni curia propriis nostris sumptibus et onus litis in nos pro eis suscipere quancito et quocienscunque super hoc fuerimus requisiti sine dilatione et eos inde conseruare modis omnibus indempnes si qui calumniatores quod absit apparerent et facere et prestare quicquid in causa euictionis debet fieri et prestari et in nullo per nos uel per alios contraire de cetero tacite uel expresse hoc saluo quod predicta Mariotta tenebit in dotalicium quandui uixerit duas pecias uinearum predicta et post ejus decessum statim due pecie uinearum ad dictos abbatem et conuentum et eorum successores absque contradictione aliqua libere modo premisso pacifice reuertentur et propter hec nos et heredes nostri presentes pariter et futuri ab omnibus debitis in quibus predictus Martinus predictis abbati et conuentui hactenus teneri potuit quicti sumus penitus et immunes Renuntiantes in hoc facto sub uirtute prestiti juramenti quilibet nostrum in solidum et pro toto exceptioni dicte uenditionis legitime non facte doli mali uel lesionis in factum fori priuilegio beneficio restitutionis in integrum omni consuedini et statuto loci et patrie et omnibus exceptionibus et allegationibus tocius juris canonici et ciuilis et consuetudinis et facti uolentes nos compelli ad obseruanciam omnium premissorum tanquam ex re adiudicata per curiam domini ducis Burgundie cujus jurisdictioni quo ad hoc supponimus nos et nostros heredes In quorum testimonium litteris istis sigillum dicte curie supplicauimus et obtinuimus apponi Actum in presentia Boneti notarii Dyuionensis et Laurintie clerici de Sancto Stephano Dyuionense et Jacobi de testium ad hoc uocatorum anno et mense predictis