Charter Document - 05290066

In nomine Domini amen Anno Incarnationis eiusdem millesimo ducentesimo septuagesimo quinto mense maii ego Huo de Cuttigneyo miles notum facio omnibus presentes litteras inspecturis quod pro eo quod uiri uenerabiles et religiosi abbas et conuentus Sancti Stephani Dyuionensis michi et heredibus meis dederunt in feodum et casamentum perpetuum sex petias uinee quarum una sita est in finagio ubi dicitur en Longeines iuxta uineam Escriex de Sancto Appollinari hinc inde alia en Abasoix iuxta uineam Humberti Olearii ex una parte et iuxta uineam Perronete relicte Odonis Foumié ex altera alia in finagio de Mirandis iuxta desertum relicte Ualteroti dicti Grosdener ex una parte et iuxta uineam Meline de Mirandis ex altera alia in finagio de Mirandis iuxta uineam Haymoneti dicti Bone ex una parte et est contorium ex altera alia en Maridoz iuxta uineam Johannis et Jacobi fratrum apothecariorum Dyuionensium ex una parte et iuxta uineam Johannis et Uieneti fabrorum fratrum ex altera Alia in finagio de Mirandis iuxta uineam generi Johanis dicti Judei ex una parte et iuxta uineam relicte Perroneti dicti Alamict ex altera De quibus uineis ego et Alaydis uxor mea quamdiu uixerimus dictis abbati et conuentui decimam non soluemus aut censum et post decessum superuiuentis ex nobis heredes nostri decimam et censum dictarum uinearum soluere tenebuntur quas uineas in toto uel in parte michi et meis heredibuas dsufficiens escambium escambiare seu permutare licebit Ita quod illud escambium sit et remaneat perpetuo de feodo ecclesie memorate et pro eo quod michi dederunt ducentas et decem libras Uiennensium quas ab ipsis recepi et habui in bona pecunia numerata et pro eo quod michi et meis heredibus concesserunt quod tenere et habere possimus perpetuo in uilla et finagio de Cutigneyo centum et quadraginta iornalia terre arabilis computatis in ipsis terris quas ad presens habeo in uilla predicta et eius finagio libera et quieta a censu et terciis et costumis in quibus eisdem abbati et conuentui uidelicet de tresdecim gerbis unam Ego pro me et meis heredibus accepi in feodum et cassamentum perpetuum a dictis abbate et conuentui Sancti Stephani Divionensis nomine ecclesie eorumdem domum meam de Cutigneyo cum fossatis clausuris mansis iuribus et pertinenciis eius et quicquid habeo et habere possum et debeo nunc et in posterum in uilla finagiis et territoriis de Cutigneyo supradictis In domibus mansis terris pratis hominibus decimis terciis costumis censibus usagiis corueiis uineis nemoribus planis montibus aquis furnis reditibus exitibus iuribus bonis et commodis omnibus quibuscumque que omnia de meo proprio alodio sunt et mouent hoc saluo quod si ego uel heredes mei acquireremus aliqua in uilla et finagio predictis que tenerentur in feodum ab aliis quam ab ecclesia memorata sic acquisita non cederent in feodum ecclesie memorate Preterea actum est inter nos quod dicti abbas et conuentus predictum feodum ab eorum manibus sine consensu meo uel meorum heredum amouere non poterunt neque debent De omnibus autem et singulis supra dictis fidelitatem et homagium feci uiro religioso fractri Amideo abbati Sancti Stephani Dyuionensis nomine ecclesie memorata et tenemur ego et heredes mei de herede in heredem successiue homagium et fidelitatem facere abbatibus qui pro tempore fuerunt in ecclesia memorata Preterea dedi et concessi abbati et conuentui memoratis pro remedio anime mee et animarum antecessorum meorum in puram et perpetuam elemosinam quicquid habebam et habere poteram et debebam ac etiam habeo et habere possum et debeo nunc et in posterum in decima de Fontanis grossa et minuta Promittens sub obligatione bonorum meorum omnium mobilium et immobilium presentium et futurorum ubicumque existentium et per sacramentum meum pro me et meis heredibus quos ad hoc obligo prestitum super sancta Dei euangelia corporale dictum feodum in allodium liberum et omnia et singula supradicta garantire dictis abbati et conuentui et eorum successoribus perpetuo contra omnes in omni curia propriis sumptibus meis et in me pro eis litis bonus suscipere quam cito et quocienscumque super hoc fuero requisitus absque indutiis exigendis et eos inde conseruare modis omnibus indempnes si qui calumniatores contradictores aut rebelles apparerent quod absit et in nullo contraire de cetero per me uel alium tacite uel expresse Hec autem omnia et singula supradicta ego Aalaidis uxor dicti domini Huonis et ego Andreas eorum filius sponte prouide laudamus et tenere ac obseruare promittimus iuramento prestito super sancta Dei euangelia corporali et in nullo contraire de cetero per nos uel per alios ratione dotis uel donationis propter nuptias aut auerie uel proprietatis aut modo alio qualicumque Renunciamus siquidem in hoc facto nos Huo Aalaydis et Andreas predicti quilibet nostrum insolidum et pro toto ex certa scientia per sacramentum nostrum exceptioni doli in factum uel deceptionis in aliquo et exceptioni contractus legitime non facti exceptioni deceptionis ultra dimidiam justi pretii uel ualoris senatusconsulti Uelleyani auxilio et omnibus iuribus in fauorem mulierum introductis minoris etatis et prime potestatis auxilio et omnibus exceptionibus et allegationibus totius iuris canonici et ciuilis ac iuri decenti generalem renuntiationem non ualere uolentesque predicta omnia habeantur pro enumeratis specialiter et expressis prout sapiens quicumque ea omnia melius poterit exprimere et numerare et quod compellamur ad obseruantiam premissorum tanquam ex re adiudicata per curiam domini ducis Burgundie et per curiam archidiaconi Diuyonensis quorum iurisdictionibus quo ad hoc supponimus nos et nostros heredes In quorum omnium robur et testimonium litteris istis sigillum dicte curie ducis et sigillum uiri uenerabilis domini Anserici archidiaconi Dyuionensis in ecclesia Lingonense supplicauimus et obtinuimus apponi Actum in presentia Boneti notarii Dyuionensis fratris Girardi prioris Sanctorum Geminorum magistri Theolbaldi canonici Lingonensis et domini Johannis magistri domus Grosse Silue testium ad hoc specialiter uocatorum anno et mense predictis