Charter Document - 05290065

Uniuersis presentes litteras inspecturis Johanneta et Damerun filie Guilli de Lusigneio et Alaydis de Cormarrien eius uxoris salutem in Domino Noueritis quod cum religiose mulieres abbatissa et conuentus de Pralon nos in sorores et moniales receperint dicti loci nos que uelare promiserint quam cito ad id obtulerit se facultas et Alaydis mater nostra predicta pietatis intuitu et dictarum religiosarum exigentibus meritis eisdam mulieribus religiosis dederit et concesserit in puram et perpetuam elemosinam domos prata homines et eorum tenamenta terras arabiles et alias res immobiles sitas in territorio finagio et uilla de Eschanay que quidem res de proprio capite ipsius Alaydis descendentes ad ipsam in solidum pertinebant ne quibusdam quamuis perperam quod nos donationem predictam inpedire possemus si nos contigeret non uelari et reuerti ad habitum secularem eisdem mulieribus religiosis sollempniter stipulantibus donationem predictam ratam et gratam habentes per legitimam et sollempnem stipulationem promittimus per juramenta nostra super sancta Dei euangelia prestita corporaliter contra donationem predictam de cetero non uenire per nos uel per alios jure hereditario uel modo alio qualicumque Renuntiantes per juramenta predicto beneficio minoris etatis uolentes et concedentes quod si ad seculum contigeret nos reuerti quod in dictis bonis ratione successionis uel ratione alia qualicumque nichil iuris possemus penitus reclamare et quod ad obseruationem predictorum omnium et singulorum quasi ex re adiudicata per curiam ecclesiasticam iuris ordine preter misso compellamur et constringamur censura ecclesiastica mediante in uocato nichilominus brachio [super] hoc seculari si dicte religiose sibi uiderint expedire In quorum omnium testimonium et munimen presentibus litteris sigilla uirorum uenerabilium et discretorum domini Anserici archidiaconi Dyuionensis decani Sancti Sequani rogauimus apponi et nos archidiaconus Dyuionensis eiusdem loci Christianitatis decanus et Sancti Sequani prefati decanus ad preces et instanciam dictarum Johannete et Dameron sigilla nostra presentibus litteris apposuimus in testimonium ueritatis Datum anno Domini millesimo ducentesimo septuagesimo quinto mense maii