Charter Document - 05290063
| Charter Number: | 05290063 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1274 - 1275 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo septuagesimo quarto mense februario ego Odo filius defuncti Bernardoti filii Henrici Uooget notum facio uniuersis presentes litteras inspecturis quod ego pro utilitate et necessitate mea et pro debitis predicti Bernardoti patris mei persoluendis uendo concedo et quitto in hereditatem perpetuam religioso uiro fratri Geruasio nunc priori de Marcennayo ad usus et utilitatem predicti quamdam petiam terre arabilis sitam in finagio de Coicheyo en Longefaun iuxta terram Martini Genart ex una parte et iuxta terram Uarneri Lauri ex altera et cheminum Belin et omne ius omnem actionem et rationem quod et quas habeo et habere possum et debeo erga Durandum de Cymisterio et Renaudum fratrem eius quoquo modo quo iure seu quacumque ratione Quam uenditionem et quictationem ego feci predicto priori pretio trigenta solidorum Dyuionensium nouorum fortium de quibus plenam perfectam et integram solutionem habui et recepi a dicto priore et eius successores corporaliter inuestio hanc autem uenditionem quictationem nos Pariseta mater dicti Odonis et Laurentius Rebilous maritus eius uolumus laudamus et tenemur et promittimus quilibet nostrum insolidum et pro toto sub obligatione bonorum nostrorum omnium mobilium et immobilium presentium et futurorum et per sacramentum nostrum pro nobis et nostris heredibus quos ad hoc obligamus prestitum super sancta Dei euangelia corporale nos omnes insimul dictam petiam terre dicto priori et eius successoribus quictam et liberam ab omni onere debiti pro recta decima contra omnes perpetuo garantire et dictam quictationem firmiter tenere et garantire in omni curia iuris propriis sumptibus et facere quicquid in causa euictionis debet fieri et prestari et in nullo contra ire de cetero per nos uel per alios tacite uel expresse Renunciantes in hoc facto per sacramentum nostrum exceptioni dictarum uenditionis quictationis non legitime factarum pecunie non habite non numerate non recepte exceptioni deceptionis ultra dimidiam iusti pretii fori priuilegio beneficio restitutionis in integrum dotis dotalicii seu donationis propter nuptias omni auxilio et beneficio iuris canonici et ciuilis et consuetudinis uolumus quod ad predicta omnia tenenda compellamur quasi ex re adiudicata per curiam domini ducis Burgundie cuius iurisdictioni quo ad hoc supponimus nos et nostros heredes In quorum testimonium litteris istis sigillum dicte curie supplicauimus et fecimus apponi Actum in presentia Boneti notarii Dyuionensis Johannis maioris de Fontanis et Belini Clerambaut testium ad hoc specialiter uocatorum Anno et mense predictis