Charter Document - 05290062
| Charter Number: | 05290062 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1274 - 1275 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo quarto mense februarii ego Damerons filia defuncti domini Biguotti militis Dyuionensis notum facio omnibus presentes litteras inspecturis quod ego considerans et attendens quod nichil est morte certius nichil incertius hora mortis ob hoc ego diem extreme messionis operibus misericordie preuenire et anime mee saluti prouidere cupiens pro remedio anime mee et animarum antecessorum meorum ac pro anniuersario meo annis singulis in ecclesia Sancti Stephani Dyuionensis perpetuo celebrando ac pro quadam missa Sancti Spiritus in dicta ecclesia quamdiu uixero pro mee anime remedio celebranda do et dedi concedo et concessi quitto et quittaui in hereditatem et elemosinam perpetuam Deo et ecclesie Sancti Stephani predicte ac uiris religiosis abbati et conuentui dicte ecclesie pro eis et eorum successoribus domum meam cum eius manso et pertinentiis sitam Dyuione in Castro a latere domus magne Boni Uallotti de Nuciato iuxta domum dicti Boni Uallotti ex una parte et iuxta domum domine Marie La Chaucharde ex altera et ex ipsa domo et eius cellario manso et pertimentiis ego me penitus deuestiens dictos abbatem et conuentum nomine ecclesie eorum pro eis et eorum successoribus corporaliter inuestiui et in uerum dominium et possessionem corporalem induxi et promitto ac teneor sub expressa obligationne bonorum meorum omnium mobilium et immobilium presentium et futurorum ubicumque existentium et per sacramentum meum pro me et meis heredibus quos ad hoc obligo prestitum super sancta Dei euangelia corporale dictam domum cum eius cellario manso et pertinentiis quam a defuncta Elena de Castro acquisiui liberam pro recto censu dicte ecclesie garantire dictis abbati et conuentui et eorum successoribus perpetuo contra omnes in omni curia propriis sumptibus meis et in me pro eis litis bonus suscipere quam cito et quotienscumque super hoc fuero requisita et eos inde conseruare modis omnibus indempnes si qui contrauenire uolentes apparerent quod absit et in nullo contraire de cetero per me uel per alium tacite uel expresse Renuntians in hoc facto per meum sacramentum exceptioni doli in factum uel deceptionis in aliquo fori priuilegio et omnibus exceptionibus et allegationibus iuris et facti uolens me et meos heredes compelli et obseruantiam premissorum tamquam ex re adiudicata per curiam domini ducis Burgundie cuius iurisdictioni quod ad hoc suppono me et meos heredes In quorum testimonium litteris istis sigillum dicte curie ducis et sigillum uiri uenerabilis domini Artaudi decani capelle ducis Dyuionensis supplicaui et obtinui apponi Actum anno et mense predictis