Charter Document - 05290059

Nos frater Nicholaus dictus abbas Alberippe totiusque eiusdem loci conuentus cisterciencis ordinis notum facimus omnibus presentes litteras inspecturis quod cum nos habeamus et possideamus scilicet uiginti et unum iornalia uinee in finagio Dyuionis et de Mirandis ubi dicitur in Magno Campo iuxta uineam Perrelli Geolin ex una parte et iuxta uineam Regnaudi filii Perreli de Perreceyo ex altera item et quinque iornalia uinee in finagio dou Preal ubi dicitur en la Girarde iuxta uineam liberorum Lhugueneal de Custigneyo ex una parte et iuxta uineam liberorum Mathei Uertuosi ex altera item et septem quarteria uinee sita in eodem finagio que fuerunt Johannis Felise item et tresdecim iornalia et dimidium uinee sita in finagio de Mirandis ubi dicitur Duodecim Iornalibus iuxta uineam Johannis de Uietello clerici ex una parte et iuxta uineam Uieneti le Langart ex altera item et sex iornalia et dimidium uinee sita in finagio ubi dicitur es Longes Plantes a la Uaite es Conuers iuxta uineam Blainchardi de Auxona Judei ex una parte et iuxta uineam relicte Roberti Lasnerat ex altera et unum quarterium uinee situm in eodem finagio quod dicitur quarterium male herbe item et quinque quarteria uinee sita in finagio de Fontanis que fuerunt Guillelmi Joram item et decem iornalia terre arabilis sita in loco ubi dicitur es Cortes Plantes in finagio de Mirandis que omnia acquisiuimus ante concilum Latheranense et de quibus decimas hactenus non soluimus preterquam de nouem iornalibus uinee de dictis tresdecim iornalibus et dimidio uinee a parte uinee Uieneti le Langart et preterquam de dictis quinque quarteriis uinee sitis in finagio de Fontanis post dictum concilium acquisitis cum nos per priuilegia nobis a sede apostolica indulta ad prestationem decime earumdem uinearum et terre acquisitarum ante dictum concilium minime teneamur et nos dictas uineas ad tempus locare uel admodiare aut ad censum uel ad firmam tradere personis secularibus et personis aliis intendamus et dicte uinee site sint in finagiis in quibus uiri religiosi abbas et conuentus ecclesie Sancti Stephani Dyuionensis decimas percipiunt a personis secularibus et aliis non priuilegiatis ibidem uineas excolentibus et perceperunt ab antiquis temporibus retroactis nos utilitatem ecclesie nostre attendentes cum dictis abbate et conuentui Sancti Stephani conuenimus in hunc modum quod nos per uiginti et quinque annos dictas uineas et dictam terram arabilem quibuscumque nobis placuerit locare poterimus seu admodiare uel ad censum tradere sine firmam et nos pro decima dictarum uinearum que dictis abbati et conuentui Sancti Stephani debetur singulis annis infra Natiuitatem Domini pro quolibet iornali dictarum uinearum locatorum admediatarum seu ad censum uel firmam traditarum duos solidos Dyuionenses monete apud Dyuionem preterquam pro dictis nouem iornalibus et quinque quarteriis uinee pro quibus rectam decimam dictis abbati et conuentui Sancti Stephani Dyuionensis soluere promittimus et tenemur quamdiu durabunt locatio admodiatio et tradictio supradicte et dicti abbas et conuentus Sancti Stephani nobis propter hoc quittant et remittunt nec non excolentibus dictas uineas et fructus percipientibus earumdem omne ius et omnem actionem que eis possent competere aut deberent in decimis uinearum predictarum preterquam in decimis nouem iornalium et quinque quarteriorum uinee predictorum ut superius est expressum saluis dictis abbati et conuentui Sancti Stephani septem solidis censualibus super dictam uineam que dicitur li Girarde et saluo eis quod si aliis quam nos infradictos uiginti et quinque annos teneant dictam terram tenebuntur soluere dictis abbati et conuentui Sancti Stephani rectam decimam dicte terre et quoniam nos dictas uineas et terram arabilem excolemus nostris propriis sumptibus et expensis absolutione decime earumdem uinearum et terre preterquam absolutione dictorum nouem iornalium et quinque quarteriorum decime immunes erimus nec etiam tunc dictam pecuniam que nomine decime ratione dicte conuentionis solui debet eis soluere tenebimur Si uero nos dictas uineas et terram seu aliquas earum uendere ad perpetuiatatem uel alienare contigerit illis qui ea tenerent non obstante dicta conuentione dictis abbati et conuentui Sancti Stephani ad solutionem decime earumdem uinearum et terre sic uenditarum uel alienatarum tenerentur saluo iure quorumcumque et saluo iure dictorum abbatis et conuentus Sancti Stephani in omnibus supradictis ac in omnibus aliis quibuscumque et contra quoscumque si tunc dicta pecunia que per dictam conuentionem nomine decime solui debet eis minime solueretur pro rata illarum uinearum uel terre que fuerint alienate Has autem conuentiones seu compositiones nos abbas et conuentus Alberippe predicti promittimus bona fide tenere et inuiolabiliter obseruare et in nullo de cetero per nos uel per alios contra tacite uel expresse In quorum omnium testimonium et munimen nos frater Nicholaus dictus abbas Alberippe predictus ad preces et instanciam conuentus nostri sigillum nostrum presentibus litteris duximus apponendum et quia nos conuentus Alberippe sigillum proprium non habemus sigillo dicti abbatis nostri usi sumus in hac parte Actum anno Domini millesimo ducentesimo septuagesimo quarto mense iannuarii