Charter Document - 05290058
| Charter Number: | 05290058 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1274 - 1275 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo septuagesimo quarto mense januarij ego Renaudus frater magistri Alberici canonici capelle ducis Dyuionensis et quondam decani Christianitatis loci eiusdem et ego Clara uxor eiusdem Renaudi notum facimus omnibus presentes litteras inspecturis quod nos retinuimus et accepimus ad uitas nostras superuiuentis ex nobis a uiris uenerabilibus et religiosis abbati et conuentui ecclesie Sancti Stephani Dyuionensis conductionis nomine pro quinque solidis Uiennensium quamdui uixerimus uel superuiuens ex nobis uixerit usum fructum omnium que hic inferius continentur que dictus magister Albericus eis et eorum monasterio dedit imperpetuam donatione facta inter uiuos legitima et irreuocabili a insinuata uidelicet domus eorum lignee que fuit Perrelli de Cuntigneio site Dyuioni in uico es Reboutez iuxta domum que fuit Girardi de Meigneio ex una parte et iuxta mansum qui fuit Perrelli Perreceio ex altera et domus eorum lapide que fuit Odonis de Cuntigneio et cellarii subtus siti que domus sita est supra uicum qui dicitur Roelleta Monialium de Thar iuxta mansum Constantini dicti lou Mairot de Cuntigneio et se ingerit usque ad domum Terriotti de Tilicastro et domorum ipsorum lignearum et cellarii sitarum in uico Monialium de Thar iuxta domum Willelmi Chapon ex una parte et iuxta domum Renaudi de Perreceio ex altera et domus eorum lapidee retro site in qua torcular est et ipsius torcularis et fundorum mansorum et pertinentiarum omnium predictorum Item usum fructum terre eorum arabilis circiter tresdecim iornalia continentis site supra Plantas de Bray iuxta terram liberorum Ysabellis defuncte quondam filie Odonis Scabiosi ex una parte et iuxta cheminum de Bray ex altera supra pasquorum Boni Fontis Ita quod hec omnia tenebimus in bono statu quamdiu uixerimus et superuiuens ex nobis uixerit et super hoc aut in predictis nos uel nostri heredes sarsinam uestituram uel proprietatem petere non possumus uel reclamare aut ius aliquod in iudicio uel extra ymo confitemur et asserimus predicta omnia et singula supradicta in bono statu et cum omnibus meliorationibus eorumdem ad dictos abbatem et conuentum et eorum monasterium sine debitorum et cuiuslibet obligationis honere et sine contradictione uel reclamatione cuiuslibet et sine saisina uel uestitura a nostris heredibus uel cuiuslibet alterius reclamanda pacifice reuertentur per sacramentum nostrum prestitum super sancta Dei euangelia corporale uolentes nos et nostros heredes compelli ad obseruantiam premissorum tamquam ex re adiudicata per curiam domini ducis Burgundie et per curiam archidiaconi Dyuionensis quorum iurisdictionibus que ad hec supponimus nostros heredes In quorum testimonium litteris istis sigillum dicte curie ducis et sigillum uiri uenerabilis domini Anxerici archidiaconi Dyuionensis in ecclesia Lingonense supplicauimus et obtinuimus apponi Actum anno et mense predictis