Charter Document - 05290057
| Charter Number: | 05290057 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1274 |
| Date type: | Internal, A.D. |
| Resource Link(s): |
|
Charter:
Uniuersis christi fidelibus ad quos presentium deuenerit noticia litterarum frater Amideus abbas totusque conuentus ecclesie Sancti Stephani Diuionensis Lingonensis diocesis ordinis Sancti Augustini salutem omnium Saluatore Quoniam in scripturis et per scripturas inueniuntur et dantur exempla nos uolentes iura conuentus ecclesie nostre dari obliuioni sed per memoriam confirmari cum diligenti tractatu pensata utilitate ecclesie nostre pro nobis et successoribus nostris unanimiter et concorditer in pleno capitulo nostro ordinamus statuimus et confirmamus quod omnia anniuersaria in ecclesia nostra prouenta et prouentura pro pictantia conuentus ecclesie nostre ad prioris et conuentus ecclesie nostre arbitrium in ipsas pictantias conuertantur cum omnibus exitibus eorumdem anniuersariorum et per hoc statutum abbas ecclesie nostre pictantiis serotinis et ad huiusmodi statutum tenendum perpetuo nos et succesores nostros specialiter obligamus In quorum omnium memoriam testimonium et munimen litteris istis sigilla nostra apposuimus Actum anno Domini millesimo ducentesimo septuagesimo quarto quinto mensis decembris