Charter Document - 05290052

In nomine Domini amen Anno Incarnationis eiusdem millesimo ducentesimo septuagesimo quarto mense septembri nos Hugonettus et Wienettus filii Constantii Arecon de Marcennaio notum facimus omnibus presentes litteras inspecturis quod nos promida deliberatione non in aliquo circonuenti pro utilitate nostra uendidimus concessimus et quittauimus in hereditatem perpetuam uiris uenerabilibus et religiosis abbati et conuentui Sancti Stephani Diuionensis petiam unam uinee liberam ab omni debitorum et cuiuslibet obligationis et seruitutis honere salua recta decima sitam inter Coycheium et Marcennaium in loco ubi dicitur es Crais supra Argilleres inter uineas ipsorum abbatis et conuentus hinc inde pretio centum solidorum Diuionensium fortium de quibus recepimus et habuimus ab ipsis solutionem integram in pecunia numerata et propter hoc de dicta petia uinee nos omnino deuestiuimus et dictos abbatem et conuentum corporaliter inuestiuimus et tenemur et promittimus quilibet in solidum et pro toto sub obligatione bonorum nostrorum omnium mobilium et immobilium presentium et futurorum ubicumque existentium et per sacramentum nostrum pro nobis et nostris heredibus quos ad hoc obligamus prestitum super sancta Dei euangelia corporale dictam petiam uinee garantire dictis abbati et conuentui perpetuo contra omnes et nos pro eis et eorum successoribus semper ubique locorum et in omni curia contra personas omnes opponere propter hoc et respondere propriis sumptibus et bonus litis in nos pro eis suscipere quam cito et quotienscumque super hoc uocati fuerimus sine diebus et indutiis exigendis et eos inde conseruare modis omnibus intemdnes si qui contrauenire uolentes apparerent quod absit et in nullo contraire de cetero per nos uel per alios uerbo uel facto seu consensu uel iure seu consuetudine uel modo alio qualicumque Hec autem omnia ego Jacquetta uxor dicti Hugonetti et ego Perronettus eorum filius et ego Emelina filia dicti Wienetti laudamus et rata et firma habemus et promittimus in perpetuum habere iuramento prestito super sancta Dei euangelia corporali et in nullo contraire de cetero per nos uel per alios ratione dotis uel donationis propter nuptias uel auerie seu minoris etatis uel proprietatis aut conquestus aut modo alio qualicumque In hiis aut omnibus et singulis renuntiamus nos omnes et singuli sub uirtute prestiti iuramenti exceptioni dicte pecunie non recepte et integre non habite exceptioni minoris pretii doli in factum et circonuentionis in aliquo omni auxilio iuris canonici et ciuilis et consuetudinis et facti omnibus iuribus in fauorem mulierum introductis etatis minoris et patrie potestatis auxilio et omnibus que contra presens instrumentum uel factum possent obici seu dici et iuridicenti generalem renuntiationem non ualere uolentes ad predicta tenenda compelli sicuti ex re adiudicata per curiam ducis Burgundie et per archidiaconum Diuionensem quorum iurisdictionibus quo ad hoc nos et nostros heredes suponnimus In cuius rei testimonium litteris presentibus sigillum dicte curie et sigillum uiri uenerabilis domini Anxerici archidiaconi Diuionensis in ecclesia Lingonense supplicauimus et obtinuimus apponi Actum anno et mense predictis