Charter Document - 05290048
| Charter Number: | 05290048 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1274 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo septuagesimo quarto mense aprilis nos Johannes et Costancius fratres filii quondam defuncti Bernardi Cathelouse de Mercennayo renuntiantes ad hoc omni auerie et etati minori notum facimus omnibus presentes litteras inspecturis quod nos sponte prouide pro utilitate et necessitate nostra uendidimus concessimus et quittauimus in hereditatem perpetuam uiris religiosis abbati et conuentui Sancti Stephani Dyuionensis petiam unam uinee sitam retro domum prioratus de Marcenayo ex una parte et iuxta uineam dicti prioratus hinc inde ex altera precio triginta solidorum Dyuionensium forcium de quibus et dictis emptoribus plenam perfectam et integram solutionem recepimus et habuimus in pecunia numerata propter quod de dicta petia uinee nos omnino deuestiuimus et dictos emptores corporaliter inuestiuimus Et tenemur et promittimus quilibet nostrum insolidum et pro toto sub obligatione bonorum nostrorum omnium mobilium et immobilium presentium et futurorum et per sacramentum nostrum pro nobis et nostris heredibus quos ad hoc obligamus prestitum super sancta Dei euangelia corporale dictam petiam uinee liberam pro decima et uno denario censuali garantire dictis emptoribus et successoribus ipsorum perpetuo contra omnes in omni curia propriis sumptibus nostris et in nos pro eis litis bonus suscipere quam cito et quocienscumque super hoc fuerimus requisitti ac eos inde conseruare modis omnibus indempnes si qui calumniatores apparerent quod absit et facere et prestare quicquid in causa euictionis debet fieri et prestari et in nullo contraire de cetero per nos uel per alios uerbo uel facto seu consensu aut modo alio qualicumque Renuntiantes in hoc facto exceptioni non numerate et non recepte pecunie et exceptioni deceptionis ultra dimidiam iusti pretii exceptioni doli in factum fori priuilegio omni auxilio iuris canonici et ciuilis et omnibus aliis iuribus que contra presens instrumentum uel factum possent obici seu dici uolentes nos compelli ad predicta omnia tenenda tamquam ex re adiudicata per curiam ducis Burgundie ciius iurisdictioni quo ad hoc supponimus nos et nostros heredes In quorum testimonium litis istis sigillum dicte curie supplicauimus et obtinuimus apponi Actum anno et mense predictis