Charter Document - 05290047
| Charter Number: | 05290047 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1273 - 1274 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentecimo septuagesimo tertio mense martio nos Johannes et Renaudus fratres filii quondam Jocelli dicti Descore defuncti de Marcennayo in Monte existentes maiores annis notum facimus omnibus presentes litteras inspecturis quod nos sponte prouide sine ui et metu pro utilitate et necessitate nostra uendidimus concessimus et quittauimus in hereditatem perpetuam domino abbati et conuentui ecclesie Sancti Stephani Diuionensis petiam unam uinee sitam in finagio des Crays ubi dicitur subtus Champ Salemon iuxta uineam ecclesie predicte Sancti Stephani ex altera pretio quinquaginta solidorum Diuionensium forcium de quibus a dictis emptoribus plenam perfectam et integram solutionem recepimus et habuimus in pecunia numerata propter quod de predicta petia uinee nos omnino deuestimus et dictos emptores corporaliter inuestimus et tenemur et promittimus quilibet nostrum insolidum et pro toto sub expressa obligatione bonorum nostrorum mobilium et immobilium presentium et futurorum et per sacramentum nostrum pro nobis et nostris heredibus quos ad hoc obligamus prestitum super sancta Dei euangelia corporale dictam petiam uinee liberam pro decima et quatuor sextariis uini censualibus que eisdem emptoribus solui debent garantire ipsis emptoribus ac successoribus ipsorum perpetuo contra omnes in omni curia propriis sumptibus nostris et in nos pro eis litis bonus suscipere quam cito et quotienscumque super hoc fuerimus requisitti ac eos inde conseruare modis omnibus indempnes si qui calumniatores apparerent quod absit et facere et prestare quicquid in causa euictionis debet fieri et prestari et in nullo contra ire de cetero per nos uel per alios uerbo uel facto seu consensu aut modo alio qualicumque Renuntiantes in hoc facto exceptioni non habite et non recepte pecunie et exceptioni deceptionis ultra dimidiam iusti pretii exceptioni doli in factum fori priuilegio omni auxilio iuris canonici et ciuilis et consuetudinis et facti et omnibus aliis que contra presens instrumentum uel factum possent obici seu dici uolentes nos compelli ad predicta omnia tenenda tanquam ex re adiudicata per curiam domini ducis Burgundie cuius iuridictioni quo ad hoc supponimus nos et nostros heredes In quorum testimonium litteris istis sigillum dicte curie supplicauimus et obtinuimus apponi Actum anno et mense predictis